Kërkoi heqjen e sekuestros ndaj vilës në Qeret, Gjykata e Lartë nuk e pranon rekursin e Ajola Xoxës

Gjykata e Lartë ka hedhur poshtë rekursin e bërë nga Ajola Xoxa.

“Vendosëm mospranimin e rekursit të paraqitur nga ankuesit, shtetasja Ajola Xoxa, shoqëria “Partners Law” sh.p.k., dhe shoqëria “Ava Studion” sh.p.k., kundër vendimit nr. 12 (87-2025-84), date 13.03.2025, të Gjykatës së Posaçme të Apelit për Korrupsionin dhe Krimin e Organizuar,” thuhet në vendimin e Gjykatës Lartë.

Bashkëshortja e Kryetarit të Bashkisë Tiranë në burg Erion Veliaj, ndodhet nën masën e sigurisë “detyrim paraqitje”.

Ndryshe, Ajola Xoxa akuzohet për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë), “Pastrimi i produkteve të veprës penale ose veprimtarisë kriminale”, “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.