KESCO kërkon shtrenjtimin e energjisë elektrike për 88%

Kompania Kosovare për Furnizim me Energji Elektrike, KESCO, ka dorëzuar më 12 gusht në Zyrën e Rregullatorit të Energjisë, ZRRE, një propozim për tarifa të reja të energjisë elektrike, i cili do të shtrenjtonte energjisë elektrike deri në 88 për qind për familjet dhe deri në 70 për qind për bizneset.

Ndërkohë, vendimi i ZRRE-së lidhur me këtë kërkesë të KESCO-s pritet të merret brenda 20 ditëve të punës.

Tarifa e ulët për konsumatorët që shpenzojnë nën 800 kilovat në orë, raporton RFE, nga 2.89 cent është propozuar të bëhet 5.43, ndërsa tarifa e lartë nga 6.75 në 12.86 cent.

Ndërkaq, për konsumatorët që shpenzojnë mbi 800 kilovat, KESCO ka propozuar që tarifa e ulët nga 5.90 cent të rritet në 11.09 cent, derisa tarifa e lartë nga 12.52 cent në 23.53 cent.