Këshilli Europian i vendos kushte të reja Shqipërisë, Basha: Mbështesim hapjen e negociatave!
Megjithë shtimin e kushteve deri në hapjen e negociatave, Kryetari i Partisë Demokratike, Lulzim Basha, i ka kërkuar Këshillit Europianë që të miratojë në parim hapjen e negociatave për anëtarësim të Shqipërisë në Bashkimin Europian.
“Në këto ditë të vështira për Shqipërinë & mbarë botën, nevoja për shpresë është edhe më e madhe. Mirënjohje @EPPGroup për mbështetjen. Në emër të PD dhe Opozitës së Bashkuar rikonfirmoj kërkesën tonë ndaj Këshillit Europian të miratojë në parim hapjen e negociatave për Shqipërinë,” thekson Lulzim Basha duke siguruar se PD dhe Opozita e Bashkuar do të punojë që ta bëjmë realitet hapjen e negociatave përmes zbatimit të 9 kushteve të Bundestag dhe kushteve të reja shtesë të vendeve të tjera
Ndryshe, në Draftin e Këshillit Europian i cili pritet të miratohet të enjten, janë 13 kushte që Shqipëria duhet të plotësojë para konferencës së parë ndërqeveritare. Ndër këto përfshihen 9 kushtet e Bundestagut si dhe pranimi i ekspertizave nga Komisioni i Venecias për emërimet në Gjykatën Kushtetuese dhe Paketa ligjore e njohur si ”Antishpifje”.
Ja statusi i plotë:
Në këto ditë të vështira për Shqipërinë & mbarë botën, nevoja për shpresë është edhe më e madhe. Mirënjohje @EPPGroup për mbështetjen. Në emër të PD dhe Opozitës së Bashkuar rikonfirmoj kërkesën tonë ndaj Këshillit Europian të miratojë në parim hapjen e negociatave për Shqipërinë.
Megjithë shtimin e kushteve deri në hapjen e tyre, ne mbështesim këtë proces jetik për shqiptarët. PD dhe Opozita e Bashkuar do të të punojë që ta bëjmë realitet hapjen e negociatave përmes zbatimit të 9 kushteve të @Bundestag dhe kushteve të reja shtesë të vendeve të tjera
