Këshilli i BE për çështje të përgjithshme sot vendos për procesin e anëtarësimit të Ballkanit Perëndimor

Këshilli i BE për çështje për përgjithshme do të diskutoj në Luxemburg për politikën e zgjerimit të BE dhe procesin e Stabilizimi-Asocimit, BE-Ballkani Perëndimor.

Siç është paralajmëruar, ministrat e BE do të diskutojnë për zgjerimin, bazuar në Raportin e Komisionit Evropian për Serbinë, Malin e Zi, Maqedoninë, Shqipërisë, BeH, Kosovën dhe Turqinë e Këshilli do të miratoj konkluzionet.

Pritet që Këshilli të konfirmoj përcaktimet për zgjerim si dhe politikën e mëtejme të BE e cila paraqet një investim strategjik për paqe, demokraci, prosperitet, siguri dhe stabilitet të Evropës.

Gjithashtu pritet që Këshilli të konfirmoj nevojën për kushte të ndershme dhe të ashpra dhe parimin “sipas meritës” duke i kombinuar me kapacitetet e BE të pranoj anëtaret e reja në përputhje me konsensusin e ripërtrirë mbi zgjerimin të cilin Këshilli Europian e konfirmoi në vitin 2006.

Në fokus pritet të jenë reformat themelore në fushën e sundimit të ligjit, të drejtave themelore, zhvillimit ekonomik dhe konkurrencës, forcimit të institucioneve demokratike dhe reformave të administratës publike.

Ministrat e BE do të merren edhe me çështjet tjera siç është përgatitja e Samitit të liderëve të BE, më 28 dhe 29 qershor, zbatimi I marrëveshje të ndërsjella ndërinstitucionale mbi rregullat më të mira ligjore dhe sundimin e ligjit në Poloni.
Gjithashtu ministrat do të shkëmbejnë mendime mbi propozimin për buxhetin e ardhshëm shumëvjeçar të BE.