Këshilli Kombëtar / Kthimi i besimit, Basha: 4 shtyllat e alternativës fituese të PD

Kryetari i Partisë Demokratike, Luzlim Basha në fjalën e tij para Këshillit Kombëtar ku pritej edhe zgjedhje e drejtuesve të ri që këtë forcë politike do ta çon drejtë fitores, theksoi se detyrë historike e PD është kthimi i besimit të shqiptarëve, se Shqipëria mund të bëhet vend normal, duke qenë i vetëdijshëm  se sfidat janë të shumta, të mëdha dhe historike.

Partia Demokratike duhet të ketë një vëmendje më të madhe ndaj Ish-të përndjekurve dhe pronarëve të grabitur dhe familjeve të tyre që ende vuajnë pasojat e regjimit çnjerëzor komunist, tha Basha duke mos harruar objektivin e  rëndësishëm, tërheqjen e rinisë dhe grave. Partia Demokratike është një parti e hapur dhe i mirëpret të gjithë ata që duan të bëhen pjesë e saj, të gjithë ata që duan ndryshimin, të gjithë ata që duan të kontribuojnë për të ndryshuar njëherë e përgjithmonë këtë lloj politikberje në Shqipëri.

“Por kurrë Partia Demokratike nuk do të jetë strehë për kriminelë e trafikantë. Një pushtet i ardhur me mbështetjen e krimit është kriminal dhe gjithmonë në dëm të interesave të qytetarëve. Situata që po kalojmë sot është pikërisht pasojë e një pushteti të siguruar nga krimi.”

Së pari vjen beteja dhe përballja e madhe për demokracinë dhe shtetin ligjor duke udhëhequr protestat popullore për rrëzimin e Edi Ramës dhe për ta shporrur këtë model menjëherë e mirë institucionet, nga politika, nga Shqipëria. PD do ta udhëheqë këtë betejë jetike për Shqipërinë bashkë me shqiptarët dhe do ta fitojmë këtë betejë, tha kryetari i PD, Lulzim  Bash duke shpalosur edhe 4 shtyllat e alternativës fituese të Partisë Demokratike.

Ndryshimi i politikës

Gjithçka nis dhe do të ketë sukses vetëm me transformimin e politikës, modernizimin dhe evropianizimin e saj. Ndryshimi i politikës është sot mision kombëtar: nuk mund të ketë më as vonesa dhe as shtirje, makiazhe dhe fasada. Fasadat janë vetëvrasëse, makiazhet janë fatale, tha Lulzim Basha duke shtuar:

“Në Shqipërinë e sotme ka vetëm dy mundësi: nëse je kriminel apo klient i Edi Ramës gëzon pushtet dhe para, për çdo kënd tjetër jetesa është e vështirë dhe e dëshpëruar. Sepse Shqipëpria është sot një vend me një shoqëri që nuk prodhon, nuk krijon, nuk zhvillohet, nuk përparon. Jemi një komb ku nuk ka mundësi për të ardhme.”

Pasuritë e shqiptarëve po grabiten, tha Basha, ndërsa energjitë e shqiptarëve po shterojnë duke u ndeshur me krimin, korrupsionin, injorancën, kaosin. Njerëzit janë mbërthyer para ekranit duke parë shpalosjen e skandalit të radhës të Ramës, krimit të tij të radhës, vjedhjes së tij të radhës. Tani ai po shkatërron të ardhmen. “Mungesa e shpresës për të ardhmen është shkaku kryesor që shqiptarët po largohen nga vendi. Fëmijët janë shkaku që Shqipëria po shkretohet. Mungesa e shkollimit cilësor, mungesa e shëndetësisë së sigurt dhe mbi të gjitha mungesa e mundësive për të punuar, për një jetë të përmbushur po i shtyn prindërit të nxisin fëmijët të largohen nga vendi. Shqiptarët kanë nevojë të zgjohen, kanë nevojë të gjejnë kurajë, kanë nevojë të besojnë.”

 Roli i Partisë Demokratike në këtë gjendje është kritik. Nuk është aspak e ekzagjeruar të them se sot para nesh shtrohet një detyrë historike, tha kryetari i PD, si rrallë ndonjëherë në këto tre dekada, një partie politike nuk i kërkohet thjesht të jetë një zgjidhje, një alternativë elektorale, nuk i kërkohet thjesht që të ndalë një të keqe.

“Nga ne sot kërkohet një ndryshim transformues, edhe më i vështirë se ai në fillim të viteve 1990-të. Atëherë kishte energji, kishte shpresë, politika shihej si një e mirë që do e çonte vendin përpara.

“Sot Shqiptarët e shohin politikën si të keqen më të madhe dhe shkaktaren kryesore të problemeve tyre.

Sot shqiptarët kanë humbur besimin tek vetja dhe tek e ardhmja. Në këtë sfond, në këtë realitet ne duhet jo vetëm të luftojmë luftën për ndryshim, por mbi të gjitha betejën për besim, sepse pa besim nuk mund të arrijmë asgjë!

Sot ne duhet të kthejmë së pari besimin se Shqipëria mund të bëhet vend normal. E vetmja mënyrë drejt kësaj Shqipërie është varrosja e politikës së korruptuar deri në palcë dhe të inkriminuar në çdo qelizë, është shkëputja e politikës si vegël e një grushti politikanësh dhe biznesmenësh grabitqarë të cilët bëhen bashkë për të shkelur ligjin, për të vjedhur shqiptarët dhe pronat e tyre.”

Nuk ofroj mrekulli

Shqiptarët duan normalitet. Politikanët hajdutë, gënjeshtarë, arrogant duhen çuar para drejtësisë. Në mënyrë ironike zhgënjimi i shumë shqiptarëve është sot një mundësi e madhe: sepse Shqiptarët nuk presin nga politika mrekulli por normalitet.

 “Ata duan që Shqipëria të jetë një vend normal, ku njerëzit jetojnë të qetë dhe të sigurt. Ndonëse të gjithë e kuptojnë se do të duhet kohë që ne të krijojmë mirëqenien evropiane, të gjithë duan që sot atë që është e mundur, tu garantohet liria dhe tu jepen mundësi për punësim, arsimim, shëndetësi, kujdes social, të paktën tu garantohen gjerat minimale, buka, uji, dritat. Duan që në Shqipëri të sundojë rendi, të sundojë ligji, të sundojë paqja.”

Të gjithë presin që të jenë të mbrojtur dhe të sigurt, të sigurt nga krimi, të mbrojtur nga burokratët dhe qeveritarët, të mbrojtur nga padrejtësitë. Me pak fjalë shqiptarët duan normalitetin evropian të jetës, shoqërisë dhe politikës, edhe pse janë shumë më të varfër, theksoj Basha para Këshillit Kombëtar duhet shtuar se ata thjesht duan politikanë që vijnë si shpëtimtarë kur në fakt misioni i tyre është të kujdesen për mirëqenien personale në kurriz të shqiptarëve. Por duan politikanë të përgjegjshëm që u ofrojnë mundësi e përkujdesje qytetarëve të tyre.

“Edi Rama thotë se Zvicra është e mërzitshme, sepse atje nuk ndodh asgjë, kurse Shqipërinë interesante sepse këtu ndodhin shumë gjëra. Në fakt Shqipëria është interesante vetëm për Edi Ramën, sepse me pushtetin e marrë me hajdutë dhe kriminelë ai është pasuruar në mënyrë marramendëse. Ndërsa shqiptarët ndeshen përditë me vrasjet, dhunën, grabitjen, varfërinë, sëmundjet, parpambetjen të cialat Kryeministrit të luksit, kryeministrit të pasanikëve i duken interesante,” lideri demokrat duke përfunudra se këtë politikanë duhet ti flakim pas. Këtë lloj politikani hajdut, gënjeshtar, arrogant duhet të dënojmë dhe ta çojmë para drejtesisë.

PD duhet të ofrojë integritet dhe kurajo

Duke folur zgjedhjet e sotme në PD, sipas kryetarit të Partisë Demokratike, sfida krysore është sfida e besimit.

“Ne ndeshemi sot me nivelin më të ulët të besimit tek politika që ka ekzistuar ndonjëherë në historinë e Shqipërisë. Ne ndeshemi sot me një politikë shtetërore që e ka për qëllim nxitjen e mosbesimit. Sikurse ndeshemi me mosbesimin që ka ardhur si rezultat edhe i gabimeve tona. Ka vetëm një mënyrë për ta kapërcyer këtë krizë besimi. Ne duhet të tregojmë integritet dhe kurajë. Integritet dhe kurajë për të ofruar jo premtime dhe shpresa boshe, por një realitet thellësisht demokratik dhe të lirë duke filluar nga partia jonë.”

Konkurrenca që çon në meritokraci, demokracia që çon në kufizimin e pushtetit dhe liria që çon në mundësi: këto janë qëllimet tona kryesore në përpjekjen tonë për modernizimin e Partisë Demokratike.

“Vetëm një Parti e hapur dhe demokratike është e besueshme. Me ndryshimet që kemi bërë dhe kemi besuar gjithmonë e më shumë vendimarrjen  e anëtarëve të Partisë Demokratike ne po hapim jo vetëm një rrugë të re për Partinë tonë por edhe një shembull për gjithë politikën në Shqipëri.”

Në këtë mënyrë, tha ai, ne do jemi në gjendje të bashkojmë njerëzit rreth Partisë sonë. Në radhë të parë ne jemi partia ku njerëzit çmojnë lirinë: lirinë individuale nga dhuna e shtetit, lirinë e tregut nga ndërhyrja e qeverisë.

“Partia Demokratike duhet të ketë një vëmendje më të madhe ndaj Ish-të përndjekurve dhe pronarëve të grabitur dhe familjeve të tyre që ende vuajnë pasojat e regjimit çnjerëzor komunist. Ne kemi objektiv të rëndësishëm tërheqjen e rinisë dhe grave. Rinia çmon më shumë se çdo gjë lirinë, lirinë për mundësi, lirinë për të provuar, lirinë për të rrezikuar, lirinë për të guxuar, lirinë për të ndryshuar, lirinë për të bërë histori, siç e kemi parë në 1990 siç po e shohim në 2019.”

Ne duhet të mbështetemi tek forca e grave: liria dhe konkurrenca janë aleatët më të mëdhenj për të përmbushur të drejtat dhe aspiratat e grave. Gratë janë ato që vuajnë të parat nga dhuna, nga dhuna e shtetit, nga dhuna e shoqërisë. Partia Demokratike është një parti e hapur dhe i mirëpret të gjithë ata që duan të bëhen pjesë e jona, të gjithë ata që duan ndryshimin, të gjithë ata që duan të kontribuojnë për të ndryshuar njëherë e përgjithmonë këtë lloj politikberje në Shqipëri.

“Por kurrë Partia Demokratike nuk do të jetë strehë për kriminelë e trafikantë. Një pushtet i ardhur me mbështetjen e krimit është kriminal dhe gjithmonë në dëm të interesave të qytetarëve. Situata që po kalojmë sot është pikërisht pasojë e një pushteti të siguruar nga krimi.”

Ekipi i ri drejtues i PD

Qëllimi është largimi i Ramës dhe ndërtimi i alternativës fituese të PD.

“E di që çfarë do që të them, shumica e njerëzve shohin më shumë problemin e dukshëm, të menjëhershëm, urgjent që ne ndeshemi si shoqëri: largimin e regjimit shkatërrimtar të Edi Ramës,” tha Lulzim Basha i ndërgjegjshëm se shumë njerëz duan një zgjidhje të menjëhershme, të shpejtë dhe të thjeshtë të problemit Rama. “Nëse ka një pyetje me të cilën ndëshem ditë për ditë është; kur do e rrëzoni Ramën, si do ta rrëzoni Ramën. Dua të jem i qartë. Unë dua ta rrëzojmë tani, dhe kjo mund dhe do te të arrihet vetëm në një mënyrë: duke i bërë njerëzit për vete, duke ju ngjallur atyre besimin tek ne, që do t’i sjellë ata rreth nesh. Sa më shumë shqiptarët të bashkohen rreth nesh, aq më shpejtë do bjerë Edi Rama.”

Ndaj zgjidhjen kryesore të problemit Rama, tha kryedemokrati, nuk e gjejmë dot as në rrugë, dhe as në institucione, por tek mendjet dhe zemrat e njerëzve.

“Nëse njerëzit besojnë tek ne, nëse njerzit do të kenë shpresë tek ne, Edi Rama do të rrëzohet edhe formalisht pasi moralisht dhe politikisht ka rënë me kohë. Njerëzit janë të zgjuar, ata dinë ta dallojnë politikanin që mendon për ta nga ai që bën sikur mendon për ta duke punuar për vete. Ata dinë ta dallojnë politikanin e sinqertë, të vërtetë nga ai mashtrues. Politikanin e përkushtuar nga përçmuesi dhe arroganti.” Një nga arritjet e mëdha të Partisë Demokratike dhe të këtij Këshilli janë pikërisht njerëzit e propozuar që do të konkurrojnë për postet e larta drejtuese në parti përmes një procesi të hapur, demokratik dhe transparent.

“Janë që të gjithë demokratë të përkushtuar, të zotët, me integritet. Për t’ju përgjigjur sa më mirë sfidave që kemi përpara, për të vënë të gjithë kapacitetet tona në shërbim të realizimit të objektivave të Partisë Demokratike, kam vendosur të kemi një ndarje të funksioneve të deputetëve nga sekretariati organizativ i partisë,” tha kryetari i Partisë Demokratike, Lulzim Basha, para Këshillit Kombëtar duke shtuar se në këtë mënyrë organizimi i partisë, nuk do të jetë i ndërvarur por do të jetë i ndërthurur me betejat legjislative dhe politike të deputetëve apo detyrimi i tyre për të qenë sa më pranë votuesve të tyre. Me kryesinë e re, do të krijohet një alternativë e fortë qeverisëse dhe një ekip i zoti dhe me dinjitet për të udhëhequr zbatimin e kësaj alterantive.

4 shtyllat e alternativës së PD

Për kët arsye PD ka një rrugë për t’u përballur me këtë, është rruga e angazhimit të të gjithë qytetarëve, e bashkimit të të gjithë qytetarëve, për t’i dhënë fund kësaj fasade.

“Ka marrë një goditje fatale nga lëvizja studentore, duhet të marrë tani një goditje përfundimtare nga qytetarët e bashkuar. Një gjë është e sigurt: kjo qeveri ka rënë. Ka rënë para syve të qytetarëve, ka rënë para syve të Evropës dhe të gjithë botës. Ka rënë edhe para syve të socialistëve të ndershëm, nuk përfaqëson asgjë më, përfaqëson vetëm një interes privat të Edi Ramës, në funksion të grabitjes vjedhjes dhe sundimit të vendit për interesa personale.”

I ndërgjegjshëm se  nuk shpiken modele, i vetmi model që mund të funksionojë tha Basha, është modeli evropian.

“Ndaj ne sot do të vendosim për aksionin politik dhe përballjen e madhe që do të nisim bashkë. Për ndarjen e politikës nga krimi përmes vettingut të politikanëve. Për t’ua marrë Shqipërinë oligarkëve dhe për t’ia kthyer atë qytetarëve përmes platformës sonë antimafia, për dekriminalizimin e zgjedhjeve. Për një Shqipëri të taksave të ulëta, që financon, subvencionon dhe ndihmon gjithçka që rrit prodhimin, rrit punësimin dhe u jep shanse për punësim të gjithë shqiptarëve e në veçanti rinisë shqiptare. Integrimin e Shqipërisë në BE,” tha kryetari i PD, Lulzim Basha duke përfunduar: “Së pari vjen beteja dhe përballja e madhe për demokracinë dhe shtetin ligjor duke udhëhequr protestat popullore për rrëzimin e Ramës dhe për ta shporrur këtë model menjëherë e mirë institucionet, nga politika, nga Shqipëria. PD do ta udhëheqë këtë betejë jetike për Shqipërinë bashkë me shqiptarët dhe do ta fitojmë këtë betejë.”