Këshilli Mbikqyrës i BSH/ PD distancohet: Ridvan Bode është i Edi Ramës!

Ridvan Bode i zgjedhur mbrëmë në orët e vona, si anëtar në Këshillin Mbikqyrës së Bankës së Shqipërisë, nuk përfaqëson Partinë Demokratike, por Edi Ramën. Kështu u shprehë Kryetari i Grupit Parlamentar të PD, Edmond Spaho  duke shtuar se PD nuk do të pranojë që mazhoranca të zgjedhë në vendin e tyre, se cilët kandidatë do të emërohen në institucione të caktuara, ndërkohë që nuk ka pasur propozim nga pakica

“Ne nuk pranojmë që kandidaturat që duhe të propozojë Partia Demokratike, ti propozojë mazhoranca. Ridvan Bode nuk është përfaqësues i Partisë Demokratike, por i Edi Ramës.

Dje në seancë ju ngritëm këtë çështje nga kryetari i PD-së, që nuk pranojmë që përfaqësuesit që duhet të propozojmë ne në institucione ti caktoni ju. Prandaj e kundërshtojmë praktikën tuaj dhe votim që keni bërë dje dhe që doni të bëni sot. Tregoni një dokument komunikimi që keni bërë me PD-në ose me pakicën në parlament për këtë çështje,” tha
Kryetari i Grupit Parlamentar të PD, Edmond Spaho.

Ndryshe, mazhoranca miratoi dje ne Parlament, pesë nga gjashtë kandidaturat për Këshillin Mbikqyrws tw Bankës së Shqipërisë, të propozuar nga Këshilli i Ministrave dhe Parlamenti.

Propozimet e qeverisë, Ridvan Bode, Edlira Luçi dhe Suela Popa morën besimin e shumicës. Ish-ministri i Financave nw kohwn e PD, Ridvan Bode mori 60 vota pwr dhe vetëm 9 kundër.

PS kaloi edhe propozimet për Këshillin Mbikëqyrës të Bankës së Shqipërisë, Luljeta Minxhozi dhe Artan Hoxha. I vetmi që nuk u votua nga shumica ishte ish-ministri socialist i Financave, Arben Malaj. Kreu i Komisionit të Ekonomisë Braçe deklaroi se Malaj nuk ka zhvilluar seancë dëgjimore në Parlament. Me propozim të kreut të Parlamentit, Malaj do ta zhvillojë sot seancën e tij dëgjimore dhe do të votohet gjatë seancës së sotme.