Këshilli në të cilin u anëtarësua Shqipëria e Bushatit, iku SHBA!

Në momentin kur Ministri i Jashtëm i Shqipërisë, Ditmir Bushati e quajti anëtarësimin në Këshillin e të Drejtave të njeriut në OKB një sukses të madh të diplomacisë shqiptare, askush nuk e kuptonte se për çfarë Këshilli bëhej fjalë dhe nga na erdhi kjo hata, që për dedikim ka ministrin e jashtëm më të dështuar në hisotrinë e Shqipërisë.

Por sot u pa qartë se cila është fitorja e Shqipërisë së Bushatit pas anëtarësimit në KDNJ për periudhën 2015-2017, kur nga ky organizëm u larguan Shtetet e Bashkuara. Dhe për çfarë ishte zotuar Bushati kur këtë anëtarësim e shiti si fitore të madhe, dhe çfarë thotë partneri ynë i përhershëm strategjik, SHBA.  

Me tu anëtarësuar, ministria e Bushatit bëri të ditur se Republika e Shqipërisë, tashmë anëtare e KDNJ-së për periudhën 2015-2017, mbetet e përkushtuar për promovimin universal dhe mbrojtjen e të drejtave të njeriut dhe lirive themelore të njeriut, si dhe mbështet integrimin e dimensionit të drejtave të njeriut në të gjitha Politikat e Kombeve të Bashkuara. Gjatë anëtarësisë së saj në KDNJ,

Shqipëria  e Bushati u zotua, për: Luftën ndaj fenomeneve me ekstremizmin e dhunshëm dhe promovimin e tolerancës dhe bashkëjetesës paqësore midis komuniteteve; dënimit me vdekje;  të drejtat e fëmijëve, barazinë gjinore dhe  mos diskriminimin.

Pavarësisht se Buashti dhe shefi i tij mburren me trashëgiminë kulturore shqiptare dhe tolerancën që mbizotëron si ndër tiparet kryesore të shoqërisë e cila ka qenë promotor i vazhdueshëm i dialogut, respektit dhe nxitjes së bashkëjetesës harmonike në mes të besimeve të ndryshme, kulturave dhe civilizimeve, gjatë kësaj qeverisje me shembullin e kësaj tolerance duke luftuar ekstremizmin e pamë vetëm në  Paris, atëherë, kur me detyrim, klerikët fetar u paraqitën në një marshim. Për ti dhënë shembull shoqërisë shqiptare, kjo tolerancë nuk u “përdor” nga Bushati dhe Rama edhe në Shqipëri. Dhuna shtetërore ndaj opozitës, studentëve, shitësve të qumështit dhe fruta-perimeve, besimtarëve të Xhamisë së Et’hem beut dhe së fundi gazetarëve në protestë, u kaluan në heshtje si nga ministria e Bushatit ashtu edhe qeveria në tërësi e Edi Ramës që thotë se vendi që ajo drejton është anëtar i Këshillit të Drejtave të njeriut në OKB.

Me t’u anëtarësuar në këtë Këshill, Shqipëria e Bushatit u zotua se do të kontribuojë në procesin e ndalimit të dënimit me vdekje, ndërkohë me politikat e saj ka dënuar një popull të tërë shqiptarë me vdekje, që tashmë po marrin botën në sy, vetëm të mos jetojnë në Shqipërinë anëtare e Këshillit të të drejtave të njeriut në OKB.

Për të drejtat e fëmijëve, Shqipëria e Bushatit sapo u anëtarësua në Këshill tha se do të angazhohet për promovimin dhe mbrojtjen e të drejtave të fëmijëve në përputhje me angazhimet ndërkombëtare. Nga i gjithë ky premtim jo që priti dikush ndonjë hata të madhe, por të gjithë ishin me shpresë që të paktën Shqipëria si anëtare e këtij Këshilli do të largoj fëmijët nga kthetrat e Erion Velisë. Por as jo nuk ndodhi! Nuk la shteg biçiklete, kënd lodrash i sponsorizuar nga bankat e nivelit të dytë nën terrorin e Bashkisë së Tiranës, dhe madje mbjellje pemësh ku fëmijët e kopshteve u bënë edhe ustallarë për hapjen e gropave të pemëve të Erionit, madje shumë më të mirë se sa artistët e tij.

Nuk dihet se për cilën barazi gjinore e kishte fjalën Bushati me anëtarësimin në Këshill por përveç të drejtave të LGBTI, ku angazhuan edhe fëmijët e kopshteve dhe shkollave, shqiptarët nuk panë ndonjë angazhim në këtë drejtim.

E nëse kjo është ekuivalenti i barazisë gjinore dhe të drejtave të njeriut, tashmë është e qartë pse SHBA turpërohet të jetë pjesë e këtij Këshilli.

Shtetet e Bashkuara u tërhoqën sot nga Këshilli i Kombeve të Bashkuara për të Drejtat e Njeriut. Duke qëndruar përkrah Sekretarit amerikan të Shtetit, Mike Pompeo, ambasadorja amerikane në OKB, Nikki Haley, kritikoi Rusinë, Kinën, Kubën dhe Egjiptin për pengimin e përpjekjeve të Shteteve të Bashkuara për reformimin e këshillit. Ajo gjithashtu kritikoi vendet që ndajnë vlerat amerikane dhe e inkurajuan Washingtonin të qëndrojë, por  nuk ishin të gatshëm të sfidojnë seriozisht status quo-në.

“Shikoni anëtarësinë e Këshillit dhe shihni një mosrespektim të tmerrshëm për të drejtat më themelore”, tha ambasadorja Haley, duke vënë theksin tek Venezuela, Kina, Kuba dhe Republika Demokratike e Kongos.

Ndërsa Sekretari i Shtetit, Pompeo, tha se nuk kishte dyshim se këshilli dikur kishte një vizion fisnik por  “sot duhet të jemi të sinqertë. Këshilli i të Drejtave të Njeriut është një mbrojtës i dobët i të drejtave të njeriut”, tha ai dhe këtë e ndjejnë edhe që të gjithë shqiptarët në shtetin e tyre që është anëtarë i këtij Këshilli.

Në fund, Nikki Haley edhe një vit më parë tha se Washingtoni po rishikon anëtarësinë e tij dhe bëri thirrje për reforma dhe eliminimin e një “subjektivizmi kronik ndaj Izraelit”. Kjo nuk u përfill, dhe pjesë e kësaj mospërfillje ishte edhe Shqipëria e Busahtit dhe Edi Ramës.