Këshilltari i Arta Markut/ KPK: Konfirmohet në detyrë prokurori Besnik Cani
Komisioni i Pavarur i Kualifikimit, KPK, ka konfirmuar në detyrë prokurorin e Prokurorisë së Elbasanit, Besnik Cani, njëherësh edhe kandidat për KLP.
Për prokurorin e Elbasanit, Besnik Cani, që është dhe këshilltar i komanduar i Arta Markut, ILDKPKI thekson se ka bërë deklarimi të saktë, ka burime të ligjshme dhe nuk ka kryer fshehje të pasurisë.
Por sipas hetimeve të Komisionit të Pavarur të Kualifikimit, prokurori nuk justifikon banesën e tij në Paskuqan. Vetë Cani tha se ndërtimi i saj është bërë nga të ardhurat në emigracion.
Në lidhje me pastërtinë e figurës, DSIK vlerëson se Besnik Cani nuk ka patur kontakte të papërshtatshme.
Për kriterin e aftësisë profesionale, prokurori ka një vlerësim shumë të mirë, pavarësisht se janë hasur disa problematika në disa dosjet që ka hetuar.
