“KFOR 1”, ushtarët nga Shqipëria përfundojnë misionin gjashtëmujorë në Kosovë

Kontingjenti “KFOR 1”, i përbërë nga 31 ushtarë të Regjimentit të Këmbësorisë së Veriut në Shqipëri, pjesë e bompanisë bullgare në Batalionin Kinetik në RC-W Kosovë, ka kryer misionin e tij gjashtëmujorë në Kosovë.

Kështu ka bërë të ditur Ministria e Mbrojtjes e Shqipërisë për efektivët në misionin që kanë përmbushur detyra të ndryshme dhe kanë marrë pjesë në stërvitje me forcat aleate.

 “Kontingjenti KFOR- 1 prej 31 efektivësh nga Regjimenti i Këmbësorisë së Veriut, pjesë e kompanisë Bullgare në Batalionin Kinetik në RC-W Kosovë, përmbylli me sukses misionin 6-mujor në Kosovë,” shprehet Ministria e Mbrojtjes e Shqipërisë përmes një njoftimi në rrjetin social Facebook duke përfunduar:

Gjatë misionit, efektivët përmbushën detyra të ndryshme si patrullime, QRF dhe Force Protection, dhe morën pjesë në stërvitje me forcat aleate, përfshirë ato bullgare, italiane dhe kroate.”