KFOR heshtë, Edi Rama nuk e mbanë fjalën si gjithmonë, flet për rrëmbimin e policëve kosovarë

Pas rrëmbimit të djeshëm të tre zyrtarëve të Policisë së Kosovës, për të cilët autoritetet e Kosovës deklaruan se janë rrëmbyer nga Serbia, ndërsa Beogradi pretendon se ata janë arrestuar në territorin serb, Kryeministri Edi Rama tha se do reagoj pasi të sqarohet KFOR-i për atë që ka ndodhë!

Dhe, sot, kur kanë kaluar më shumë se 24 orë dhe misioni i NATO-s vazhdon e heshtë, madje nuk dihet as vendndodhja e tyre, Kryeministri i Shqipërisë duke i besuar variantit serb se tre policë serbë janë arrestuar, reagon me një plan prej 5 pikave

“1.Mesa duket KFOR-i nuk do të dalë me konkluzione publike për vendndodhjen e tre policëve të Kosovës; 2. Pavarësisht pretendimeve të ndryshme për vendndodhjen, ata duhet të kthehen sa më parë në shtëpi! 3. Qysh dje ne jemi 100% të fokusuar tek lirimi i tyre!” shprehet Edi Rama përmes rrjetit social Twitter duke përfunduar dhe me dy pika tjera:

“4.Nuk ka asnjë paralele mes tre policëve dhe personit me precedentë kriminalë të arrestuar nga policia e Kosovës në Veri! 5. De-eskalimi mbetet prioriteti i prioriteteve dhe pikat e vendosura nga bashkësia euro-atlantike duhen përmbushur një orë e më parë.”

Ndryshe, reagimi i Kryeministrit Edi Rama vjen edhe pse KFOR-i vazhdon të heshtë, dhe pas një reagimi të frikshëm të Presidentit të Serbisë, Aleksandar Vuçiç, sot në Beogad kur zhvilloi një takim me homologen sllovene Natasha Pirc Musar:

“Nuk duroj dot më fizikisht. Asnjë natë nuk flejë dot gjumë. Sepse për dallim nga ju e di se çfarë po ndodhë në veri të Kosovës. Fëmijë të moshës 12, 13 vjeç janë gati të vriten, duhet ti ndalojmë. Janë të ngopur me Kurtin.“