KFOR-i ishte i gatshëm të ndërhyjë…
Pas situatë së krijuar lidhur me vizitën e Aleksandar Vuçiçit në Banjë, kur u krijua ideja ndër portestuesit shqiptarë se ishin ata që zbrapsën Presidentin e Serbisë, KFOR sqaron se askush nuk do ta kërcënojë presidentin e Serbisë, Aleksandër Vuçiç e për protestën në rrugën për në Banjë, ai shprehet se është në kontakt të ngushtë me Policinë e Kosovës në mënyrë që të hiqet bllokada dhe të kthehet liria e lëvizjes.
“Sa i përket situatës aktuale në Kosovë, KFOR-i po punon në koordinim me institucionet e Kosovës dhe Policinë e Kosovës për sigurinë e Presidentit të Serbisë. Askush nuk do ta kërcënojë z. Vuçiç dhe siguria e tij është e garantuar. Lidhur me protestën në rrugën për në Banjë, KFOR është në kontakt të ngushtë me Policinë e Kosovës në mënyrë që të hiqet bllokada dhe të kthehet liria e lëvizjes. KFOR-i po punon për ta bërë atë në mënyrë paqësore, por është gati të ndërhyjë në përputhje me mandatin e tij, si përgjigje e tretë, nëse kërkohet”, thekson KFOR përmes komunikatës.
Nuk dihet pse, për shkak të dështimit të shtetit të Kosovës apo angazhimit serioz të shteti serb, por, KFOR është institucioni ndërkombëtar i rradhës që rreshtohet në krah të Presidentit të Serbisë, i cili sipas fjalëve të KFOR-it e ka thënë edhe të vërtetën: ai mund të shkonte në Banjë por kishte frikë për sigurinë e banorëve atje, gjë e cila mund t’ju ndodhte pas largimit të Vuçiçit, tashmë është e qartë, nën kujdesin e KFOR-it.
