KFOR, inspektim në minierën e ‘Trepçës’

Specialistët e Sigurisë së Eksplozivëve të Forcës së Kosovës të udhëhequr nga NATO kanë realizuar një inspektim të përbashkët për siguri dhe mbrojtje në minierën e ndërmarrjes “Trepça” në Stantërg.

“Ky aktivitet i rregullt pasqyron përkushtimin e vazhdueshëm të KFOR-it për të bashkëpunuar me institucionet vendore, për të forcuar partneritetet dhe për të kontribuar në një mjedis të sigurt për të gjithë qytetarët që jetojnë në Kosovë,” thuhet në njoftimin e KFOR-it.

Ndryshe, inspektimi është zhvilluar nën koordinimin e Inxhinierëve të Përbashkët të Shtabit të KFOR-it dhe me inspektorët e armëve dhe municionit nga Departamenti për Siguri Publike në kuadër të Ministrisë së Punëve të Brendshme e inspektorët e eksplozivëve minerarë nga Komisioni i Pavarur për Miniera dhe Minerale.