Kim Jong Thaçi dështon në misionin e tij në Ujman
Një xhiro me varkë, foli me ca serbë atje, rrufiti edhe kafe, e quan vizitë rutinë, dhe kush në cilin thoni ju dhe kush ai që shkel atje?! Liqeni i Ujmanit, aty ku ai nuk ka shkel kurrë dhe vazhdon të jetë President i Kosovës! Por, këtë nuk e ka bërë as lideri koreano verior Kim Jong Un, edhe pse kërcënonte dynjante nuk e shkelte atë as me këmbë as me varkë
Por kjo thjeshtë është një ëndërr si për Kim Jong Thaçin ashtu edhe për çdo qytetar të Kosovës, i cili, nëse dëshiron ta vizitoj Ujmanin duhet të ketë miqësi me Vuçiçin, ta ketë ROSU të veten dhe presidencën e cila gënjen dhe lëshon komunikata të rrejshme vetëm e vetëm që Kim Jong Thaçi të shkoj në Ujman.
Po çfarë bëri lideri jonë kosovaroverior dhe pse dështoi misioni i tij?!
Pasi mbaroi vizitën e tij sekrete në liqenin e Ujmanit, Presidenti Thaçi tha se ka kaluar një ditë fantastike:
“Kisha kënaqësinë në një vizitë rutinë, të vizitoj pikën kufitare në Bërnjak, të takoj policë kosovarë, të takojë kufitarë në pikën e instaluar nga rezultatet e bisedimeve në Bruksel. Ishte mrekulli ti shikosh të gjithë duke punuar në shërbim të vendit, ligjit. Unë zakonisht vikendet i kaloj duke ecur në bukuritë e Kosovës, por sot vendosa të bëj xhiro lundrimi në këtë vend të mrekullueshëm, në këtë vend të pakrahasueshëm të Republikës së Kosovës. Ishin emocione të veçanta, ishte një xhiro e bukur. Takova disa serbë, i falënderoj që më qerasën kafe. Unë si president i shërbej të gjithëve në çdo cep të territorit të Kosovës” tha presidenti kosovaerior i cili duke filluar nga dita e sotme nuk i shërben as Presidencës e lëre më fshatërave të Ujmani që u vizituan nga halli vetëm nga diktatori Sllobodan Milloshevicc dhe sot vizitohen nga lideri kosovaroverior Thaçi, sepse pjesa tjetër e shtetit të Kosovës nuk e do më.
Dhe, deri sa Kim Jong Thaçi shijonte liqenin e Ujmanit me tre sejmenë e tij në varkë, në Prishtinë ishte një realitet tjetër, që nuk kërkonte asgjë më shumë se largimin e këtij lideri akrobat. Vëmendjen nuk e largoi dot nga kjo protestë përkundër akrobacirave që bëni me varkë dhe liderizëm.
E kryetari i Lëvizjes Vetëvendosje nga Prishtina, pa ROSU dhe pa AKI, tha se protesta e sotme është mbrojtje e republikës dhe se kjo protestë tregon që populli nuk i nënshtrohet një njeriu si presidenti Thaçi, të cilin e ka quajtur akrobat.
“Betejat politike i ka gjeste personale. Kjo protestë tregon që një popull nuk i nënshtrohet një njeriu dhe se ne duhet ta mbrojmë republikën. Akrobacionet janë marrëveshje skenike e tij me Vuçiçin. Le të bëhemi bashkë për republikën dhe le t’i themi mjaft këtij akrobati që po rrezikon edhe çlirimin dhe pavarësinë”, tha Kurti.
