Kim Jong Un në Byronë Politike: Kemi ndaluar koronavirusin të futet…

Lideri koreanoverior Kim Jong Un tha në mbledhjen e Byrosë Politike të Partisë së Punë se Koresë Veriore se ka ndaluar koronavirusin të futet në vend, raporton Agjencia shtetërore e lajmeve, KCNA.

“Kemi parandaluar futjen e virusit keqbërës dhe kemi mbajtur stabël situatën epidemiologjike përkundër krizës botërore të shëndetësisë, që është  një sukses i mrekullueshëm,“ tha Kim Jong Un duke i bërë thirrje qytetarëve për vigjilencë maksimale, raporton KCNA.

Kjo mbledhje e Byrosë Politike vjen në momentin kur vende të shumta kanë filluar zbutjen e ndalimeve që ishin në fuqi, përkundër shifrave që raportohen me 10 milionë të infektuar dhe 500 mijë të vdekur nga koronavirusi.

Korea e Veriut ka rihapur shkollat por vazhdon të jetë në fuqi ndalimi i tubimeve publike ndërsa mbajtja e maskave është e detyrueshme në vende publike, tha së fundi Organizata Botërore e Shëndetësisë, OBSH. Ndonëse Korea e Veriut vazhdon të raportoj se nuk ka asnjë të infektuar nga koronavirusi, Ministria e Shëndetësisë ka bërë të ditur se deri më tani janë testuar dhe kanë dalë negativ 922 persona. Qindra njerëz, kryesisht të punësuar në porte dhe kufij, vazhdojnë të jenë në karantinë  dhe janë nën vëzhgim të rreptë