Kim pranon letër nga Presidenti Trump

Udhëheqësi i Koresë së Veriut, Kim Jong Un, tha se shpreh “kënaqësi të madhe” pas pranimit të një letre nga presidenti i Shteteve të Bashkuara, Donald Trump.

Agjencia e lajmeve në Phenjan KCNA nuk dha më shumë detaje se çfarë përmban letra e Presidenti Trump por shtoi se Kim po bën “përgatitje të mira teknike” për takimin e dytë me Presidentin Trump.

Presidenti Trump, në anën tjetër, tha se është vendosur që takimi të mbahet me gjasë në shkurt, raporton RFE.

Dy liderët janë takuar për herë të parë në qershor, në Singapor.

Në atë takim ata janë shprehur se synojnë denuklearizimin e plotë të Gadishullit Korean, por nuk kanë dhënë detaje se si dhe kur do të ndodhë procesi.

Pas këtij takimi, Trump po ashtu ka thënë se kërcënimi bërthamor nga Koreja e Veriut, ka marrë fund