Kina: Biseda telefonike Xi-Trump “jashtëzakonisht pozitive”
Ministria e Jashtme e Kinës tha se një bisedë telefonike në mes të presidentit të këtij shteti, Xi Jinping dhe homologut të tij amerikan, Donald Trump lidhur me çështjet tregtare dhe aspekte tjera ka qenë “jashtëzakonisht pozitive”, raporton AP.
Ministria thekson sot se të dy liderët janë pajtuar për të “fuqizuar shkëmbimin ekonomik”, mirëpo nuk kanë ofruar të dhëna nëse është shënuar ndonjë përparim në zgjidhjen e përshkallëzimit të luftës me tarifa mes këtyre dy shteteve, raporton RFE.
Trump tha më herët përmes një postimi në Twitter se ai dhe Xi kanë pasur bisedë “shumë të mirë”.
Zëdhënësi i ministrisë së Jashtme, Lu Kang është pajtuar se “kjo bisedë telefonike ka qenë jashtëzakonisht e mirë”.
Shtetet e Bashkuara dhe Kina kanë tensionuar marrëdhëniet kohën e fundit për shkak të tarifave të vëna nga autoritetet amerikane në produktet kineze.
Kina po ashtu iu është kundërvënë hapave amerikanë, derisa presidenti Trump ka arsyetuar vendimin e tij për ndëshkim të Kinës duke përmendur ato që i ka cilësuar “praktika të padrejta tregtare” të këtij shteti kundrejt SHBA-së.
