Kinë-SHBA, luftanija amerikane ndalohet të hyjë në Hong Kong

Kina ka ndaluar një anije të marinës së SHBA-së që të ankorohej në Hong Kong në mes të një debati diplomatik në rritje midis dy vendeve, pas sanksioneve ushtarake të vendosura nga Washingtoni.

USS Wasp, që mbart avionë të vegjël dhe një ekuipazh prej 1000 marinarësh, kishte planifikuar të bënte një ankorim në portin e Hong Kongut muajin e ardhshëm, kanë theksuar dy zyrtarë amerikanë.

Nuk është hera e parë që Pekini ka anuluar vizitën e një luftanije të SHBA si në shenjë proteste.

Kina ndaloi anijen USS John C. Stennis të hynte në Hong Kong në vitin 2016, pasi anija solli Sekretarin amerikan të Mbrojtjes Ash Carter në një vizitë në Detin e Kinës Jugore.

Masa ka të ngjarë të përkeqësojë marrëdhëniet mes Washingtonit dhe Pekinit, të cilat janë përkeqësuar në mënyrë të vazhdueshme që nga java e kaluar pas sanksioneve të reja të SHBA ndaj ushtrisë kineze lidhur me blerjen e armëve ruse.

Përgjigjja e Kinës ndaj sanksioneve të reja amerikane ka qenë e shpejtë dhe e ashpër. Vendimi për të anulluar vizitën në portë ndoqi masën e Pekinit për tu tërhequr gjithashtu nga një takim i nivelit të lartë midis komandantëve të lartë kinezë dhe atyre amerikanë, që do të mbahej këtë javë