Kisha serbe, Gjukanoviç: Instrument në duart e nacionalizmit serbomadh

Presidenti i Malit Zi, Milo Gjukanoviç tha për televizionin publik kroat, HRT, se Kisha Ortodokse Serbe, KOS, pretendon se po drejton Malin e Zi dhe se do ta kthej në shtet teokratik të mesjetës.

Gjukanoviç tha se Ligji për liritë fetare paraqet shkëndijën fillestare për një konflikt të ri, i cili ndërkohë është bërë i pasionuar, konflikt në relacionin KOS-Mali i Zi.

“Duke hapur këtë ligj, ne natyrisht kemi ardhur edhe deri tek çështja e pronës, dhe qëllimet që ka dëshmuar Mali i Zi se pjesë e pasurisë me të cilën shërbehet Kisha Ortodokse Serbe, është ajo pjesë e pasurisë që është financuar nga burimet publike, pra, se kjo duhet të jetë pasuri shtetërore. KOS e kundërshton fuqishëm këtë zgjidhje, organizoi protesta nëpër Mal të Zi me idenë se duhet mbrojtur shenjtorët nga shteti i Malit Zi,” tha Gjukanoviç duke shtuar se kemi të bëjmë me politizim të pashembullt të një çështje fetare.

“Ligji shërbeu si shkas, por me kalimin e kohës u dëshmua, që për neve nuk kishte dyshime, se Kisha Ortodokse Serbe është instrument në duart e nacionalizmit serbomadh. KOS ndërkohë ka arritur që të promovoj të gjitha ato që i ka qëllime përfundimtare,” tha Gjukanoviç. Dhe jo vetëm kaq!

Rezultoi se qëllimi i vetëm nuk ishte që të anulohet ligji:

“U dëgjua se Mali i Zi, në vend të epitetit ‘qytetar’ duhet ta mbajë epitetin ‘shtetit serb’. E dyta, se shtetin serb e krijoi Kisha Ortodokse Serbe, që do të thotë se këtu ekziston pretendimi që KOS e drejton këtë shtet, që të na kthejë në pozicionet e shtetit teokratik të mesjetës. Dhe natyrisht, kemi dëgjuar që NATO është organizatë fashiste, e BE është një civilizim i mbaruar, dhe për këtë arsye për Malin e Zi e vetmja gjë komode është që të jetë nën ombrellën e sigurisë dhe interesave të Rusisë,” thekson Presidenti i Malit Zi, Milo Gjukanoviç duke përfunduar:

“Prezantimi i mëtejshëm i arsyetimit nuk duhet për një perceptim të tillë nga ana jonë!”