“Kitchen”godet grupin e trafikut të drogës, operacioni policor në Shqipëri dhe 5 shtete të tjera

Mëngjesin e sotëm operacioni i madh policor i koduar “Kitchen” ka godituar një grup kriminal të trafikut të drogës ndërsa është realizuar nga autoritetet policore në Breshia të Italisë në koordinim me Shërbimin Qendror Operativ në bashkëpunim me repartet policore në Alessandria, Como, Monza, Brianza, Pavia, Ferrara e Verona si dhe me autoritetet policore të Shqipërisë, Belgjikës, Gjermanisë, Rumanisë e Spanjës.

Të dyshuarit duhet të përgjigjen për një sërë veprash penale, të tilla si pjesëmarrje në organizatë kriminale me synim trafikun e drogës, dëmtim me dashje, plaçkitje, shitjen e substancave narkotike, si dhe mbajtjen e transportimin e armëve të zjarrit, shkruajnë mediat italiane.

Mediat e vendit fqinj nënvizojnë se detaje nga operacioni i madh do të bëhen publike në një dëgjesë që do të bëjë Prokurori në Breshia, ku do jepen edhe detaje për arrestimet.