Kjo është luftë mjekësore, Presidenti Trump: Kemi miratuar mjekime të reja

Presidenti i SHBA, Donald Trump, tha nga Shtëpia e Bardhë se koronavirusi është një luftë mjekësore ndërsa bëri të ditur se janë miratuar mjekime të reja dhe këtë e konsideroi një sukses.

Një mjekim kundër malarias, tha Presidenti Trump, ka treguar rezultate kundër virusit vdekjeprurës COVID-19, ndërsa ka shprehur besimin se këto mjekime do japin rezultate pozitive.

“Kemi miratuar mjekime të reja dhe ky është sukses. Tashmë kemi disa opsione mjekimesh për COVID-19.  Do të mblidhen të dhëna për mjekime që funksionojnë. Një mjekim kundër malarias ka treguar rezultate. Do bëjmë të mundur përdorimin e menjëhershëm të mjekimit dhe sigurisht që në të ardhmen do punojmë për një vaksinë,” tha Presidenti amerikan Donald Trump duke shtuar se do të bëjmë të pamudurën për të gjetur mjekimin për Covid 19:

“Duam t’i tregojmë publikut amerikan se ne punojmë që Agjencia e Miratimit të Barnave të funksionojë sa më shpejtë. Me vaksinat e reja, mendoj se do të ndryshojë gjithcka. Ajo që do të bëjmë, është mjaft inkurajuese. Publiku amerikan ka qenë i jashtëzakonshëm, duhet të rrini në shtëpi. Kjo është luftë mjekësore dhe duhet ta fitojmë.”