Kjo qeveri nuk përfaqëson qytetarët, PD Dega Fier: Shpresa e shqiptarëve, Lulzim Basha!
Pas vendimit të Kryesisë për aksionin opozitar gjatë verës, dhe bazuar në vendimin e 12 Korrikut të Kryetarit të Partisë Demokratike, Lulzim Basha, Kryesia e PD Dega Fier ka vazhduar takimet me strukturat e partisë.
Në takimin që Kryetari i Partisë Demokratike Dega Fier, Luan Baçi, zhvilloi me Grup seksionin Levan, demokratët u shprehën të gatshëm për vazhdimin e Protestave:
“Ne nuk ndalojmë, kjo Qeveri de fakto ka rënë. 85 % e Shqiptarëve e bojkotuan. Rama ik.”
Klimë e ngjashme ishte edhe në Ferras, aty ku masat e qeverisë ashtu si edhe në gjithë Shqipërinë kanë bërë që varfëria të pushton vendin.
Si gjithmonë edhe sot Grup seksioni Ferras shprehet i gatshëm.
“Nuk ndalemi, kjo qeveri nuk përfaqëson qytetarët. Është peng e oligarkëve. Shpresë e shqiptarëve është PD dhe Kryetari ynë Lulzim Basha,” janë shprehur demokratët në Ferras gjatë takimit me Kryetarin e Partisë Demokratike Dega Fier, Luan Baçi.
