KKT miratoi lejen e ndërtimit për Tunelin e Llogarasë, punimet nisën në nëntor 2021

Teksa punimet për ndërtimin e Tunelit të Llogarasë nisën në nëntor të vitit të shkuar, Këshilli Kombëtar i Territorit miratoi vetëm në mbledhjen e fundit të KKT datë 26 prill lejen e ndërtimit për këtë vepër infrastrukturore.

Në mbledhjen e fundit të KKT datë 26 prill përveç kësaj pike kanë kaluar edhe një sërë lejesh të tjera të lidhura me energjinë ku së pari leja për nënstacionet që janë pjesë e projektit të linjës 400 kilovolt Shqipëri-Maqedoni me Zhvillues Operatorin e Sistemit të Transmetimit. Një tjetër leje që bie në sy është ajo dhënë Korporatës Elektroenergjetike Shqiptare për ndërtimin e rrugëve të aksesit që do të përdoren për ndërtimin e HEC-t të Skavicës.

KKT gjithashtu ka miratuar 5 leje ndërtimi për hidrocentrale në zonën e Dibrës dhe Peshkopisë ndërkohë që ka shtyrë afatin për 3 leje të tjera HEC-esh.

Në Pukë është miratuar leja për turbina eolike.

Në pikën 24 ka miratuar ndryshimin e subjektit zhvillues për objektin “Resort Turistik 2, 3 dhe 4 kate me parkime nëntokë “Manastiri Resort”, me vendndodhje në Bashkinë Sarandë”.

Ky resort nga ana e qeverisë fitoi statusin e investimit strategjik në fund të 2021-it me një vendim të Komitetit të Investimeve Stategjike. Projekti zë një sipërfaqe zhvillimi prej 53,467 m², pronë private, në Zonën Kadastrale 2297, në Ksamil, Bashkia Sarandë.

Vlera e investimit sipas dokumenteve vlerësohet në 28 milionë euro dhe kompania e cila fitoi statusin ishte ALB-Star.

Vendimet

1.Leje Ndërtimi për objektin: “Rikonstruksion i linjës 110 kV Lushnje – Fier”, me subjekt zhvillues “Operatori i Sistemit të Transmetimit” sh.a.

2.Leje Ndërtimi për objektin: “Linja e Transmetimit 400 kV Shqipëri- Maqedoni e Veriut (Fier-Elbasan-Qafe Thanë), Lot 2 Nënstacionet: Nënstacioni 400 kV Elbasan 3 dhe shtesa 400 kV e Nënstacionit Fier”, me subjekt zhvillues “Operatori i Sistemit të Transmetimit” sh.a.

3.Leje Ndërtimi Infrastrukture për objektin: “Ndërtimi i rrugëve të aksesit për Hidrocentralin e Skavicës”, me vendndodhje në Bashkinë Kukës dhe Dibër, me subjekt zhvillues Korporata Elektroenergjitike Shqiptare (KESH) sh.a.

4.Leje Ndërtimi për objektin: “Ndërtimi i Tunelit të Llogarasë”, me vendndodhje në Bashkinë Vlorë dhe Bashkinë Himarë, me zhvillues Ministrinë e Infrastrukturës dhe Energjisë.

5.Leje Ndërtimi Infrastrukture për objektin: “Rishikimi i projektit për segmentin rrugor të vazhdimit të Unazës së Madhe të Tiranës nga Sheshi Shqiponja – Bulevardi i Ri”, me vendndodhje në Bashkinë Tiranë, me zhvillues Autoritetin Rrugor Shqiptar.

6.Leje Ndërtimi Infrastrukture për objektin: “Rikualifikim i Unazës Lindore për Lotet 4, 5, 6”, me vendndodhje në Bashkinë Tiranë, me zhvillues Autoritetin Rrugor Shqiptar.

7.Leje Ndërtimi për objektin: “Rehabilitimi i pistës, Baza Ajrore e Kuçovës”, me vendndodhje në Bashkinë Kuçovë, me subjekt zhvillues Reparti Ushtarak 3001.

8.Leje Zhvillimi për objektin: “Ndërtimi i Terminalit Verior të transportit publik”, me vendndodhje në Bashkinë Tiranë, me subjekt zhvillues Bashkinë Tiranë.

9.Leje Ndërtimi për objektin: “Ndërtimi i infrastrukturës publike në zonën e Ndroqit”, me vendndodhje në Bashkinë Tiranë, me subjekt zhvillues Bashkinë Tiranë.

10.Leje Ndërtimi për objektin: “Rindërtimi i shkollës 9-vjeçare “Musine Kokalari”, me vendndodhje në Bashkinë Tiranë, me subjekt zhvillues Bashkinë Tiranë.

11.Leje Ndërtimi për objektin: “Rindërtimi i shkollës 9-vjeçare “Emin Duraku”, me vendndodhje në Bashkinë Tiranë, me subjekt zhvillues Bashkinë Tiranë.

12.Leje Ndërtimi për objektin: “Rikonstruksioni dhe shtesë kati i shkollës së mesme profesionale “Asim Vokshi”, me vendndodhje në Bashkinë Tiranë, me subjekt zhvillues Bashkia Tiranë.

13.Leje për struktura shërbimi në stacionet e plazhit, me vendndodhje në Bashkitë, Pogradec, Shkodër, Lezhë, Durrës, Kavajë, Rrogozhinë, Divjakë, Fier, Vlorë, Himarë dhe Sarandë.

14.Leje Ndërtimi për objektin: “Turbina Eolike, Bashkia Pukë”, me subjekt zhvillues shoqërinë “Ventus” sh.p.k.

15.Leje Ndërtimi për objektin: “Ndërtimi i Hec Kryezi, në ujërat e përrenjve Kryezi dhe Qafë Mali, degë e lumit Fan i madh, Bashkia Fushë-Arrëz”, me subjekt zhvillues shoqërinë “Alesio 2014” sh.p.k.

16.Leje Ndërtimi për objektin: “Ndërtimi i Hec Fushë Arrëz, ne rrjedhën e sipërme të Lumit Fani i Madh, Bashkia Fushë-Arrëz”, me subjekt zhvillues shoqërinë “Alesio 2014” sh.p.k.

17.Leje Ndërtimi për objektet: “Ndërtimi i Hec Dohoshisht, në pellgun ujëmbledhës të përroit të Peshkopisë, pranë fshatit Dohoshisht, Bashkia Dibër, Qarku Dibër”, me zhvillues shoqërinë “General Green Energy”sh.p.k.

18.Leje Ndërtimi për objektet: “Ndërtimi i Hec Dohoshisht 1, në pellgun ujëmbledhës të përroit të Peshkopisë, pranë fshatit Dohoshisht, Bashkia Dibër, qarku Dibër”, me zhvillues shoqërinë “Hidro Zone Energy”sh.p.k..

19.Leje Ndërtimi për objektet: “Ndërtimi i Hec “Dohoshisht 2 dhe 3”, në pellgun ujëmbledhës të përroit të Peshkopisë, pranë fshatit Dohoshisht, Bashkia Dibër, qarku Dibër”, me zhvillues shoqërinë “Hidro One Energy”sh.p.k..

20.Për shtyrjen e afatit të Lejes së Ndërtimit për objektin: “Ndërtimi i burimit të ri gjenerues të energjisë, Hec Veleshica 1 dhe Veleshica 2, në lumin e Veleshicës degë e lumit Drini i Zi, Bashkia Dibër dhe Bashkia Kukës, me subjekt zhvillues shoqërinë “Kalisi Hydropoëer” sh.p.k.

21.Për shtyrjen e afatit të Lejes së Ndërtimit për objektin: “Ndërtimi i Hidrocentralit “Zall Xhuxhë Nr. 1” dhe “Zall Xhuxhë Nr. 2”, në kaskadën e përroit të Zall Xhuxhës, degë e lumit Fan i Vogël”, Bashkia Mirditë, me subjekt zhvillues shoqërinë koncesionare “Hec Zall Xhuxhë” sh.p.k.

22.Për shtyrjen e afatit të Lejes së Ndërtimit për objektin: “Ndërtimi i Hidrocentraleve “Shutri 1” dhe “Shutri 2”, në pellgun ujëmbledhës të lumit të Shutrisë si dhe burimet ujore të Shutrejës deri në derdhje në lumin e Urakës, Bashkia Mat”, me zhvillues shoqërinë “Ateani Energy” sh.p.k.

23.Për miratimin e Lejes së Shtyrjes se Afatit për objektin: “Ndërtim magazinash, shoëroom, zyra, rikonstruksion i objekteve ekzistuese, shtesë kati dhe shtesë anësore”, me vendndodhje Bashkia Vorë, me subjekt zhvillues shoqërinë “Kato Aromatik Albania” sh.p.k.

24.Për miratimin e ndryshimit të subjektit zhvillues të objektit: “Resort Turistik 2, 3 dhe 4 kate me parkime nëntokë “Manastiri Resort”, me vendndodhje në Bashkinë Sarandë”./Monitor/