KKT miraton lejen e ndërtimit për inceneratorin e Tiranës dhe…

Këshilli Kombëtar i Territorit, KKT, ka miratuar të mërkurën një listë me 19 vendime të lidhura këto me leje ndërtimi apo zhvillimi në projekte të ndryshme. Ndër të tjera në sy bien dy vendime ku i pari është ai për lejen e ndërtimit të inceneratorit të Tiranës dhënë “Integrated Energy BV SPV” sh.p.k. ky incinerator është kundërshtuar gjerësisht nga shoqëria civile por qeveria ka vazhduar me projektin ashtu sikurse ka ndodhur edhe me atë të Fierit. Shoqëria  “Integrated Energy B.V.”me adresë Hoogoorddreef 15 1101 BA Amsterdam, ishte kompania që u shpall fituese në vitin 2017 për konceisonin e shpallur në atë kohë nga Ministria e Mjedisit me një vlerë prej 128 milionë euro për një afat 30 vjet.

Aeroporti i Tiranës do rikonstrukojë pistën

Një tjetër vendim i marrë nga KKT është ai që autorizon Aeroportin Ndëkrombëtar të Tiranës që të vijojë me projektin e tij të rikonstruksionit të pistës. . “Leje Ndërtimi për objektin: “Rikonstruksioni i sipërfaqeve të shtruara për pistën dhe rrugët lidhëse ekzistuese, në Aeroportin Ndërkombëtar të Tiranës “Nënë Tereza” (TIA)”, me subjekt zhvillues “Tirana International Airport” sh.p.k” thuhet në njoftimin e bërë nga KKT.

Vendimet e marra gjatë mbledhjes së datës 27 shkurt

1. Për miratimin e Planit të Përgjithshëm Vendor të Bashkisë Belsh.
2. Leje Ndërtimi për objektin: “Rikonstruksion i godinës së Ministrisë së Infrastrukturës dhe Energjisë, në fokus aplikimi i teknikës më të fundit të efiçencës dhe restaurim i fasadës, Bashkia Tiranë”, me zhvillues Ministria e Infrastrukturës dhe Energjisë.
3. Leje Ndërtimi për objektin: “Rikonstruksion dhe shtesë kati, sallë konferencash dhe konsultimesh në Universitetin “Luigj Gurakuqi”, Bashkia Shkodër”, me zhvillues Universiteti i Shkodrës “Luigj Gurakuqi”.
4. Leje Ndërtimi për objektin: “Rikonstruksion dhe shtesë në godinën e Pediatrisë në QSUT, Bashkia Tiranë”, me zhvillues Qendrën Spitalori Universitare “Nënë Tereza” Tiranë.
5. Leje Ndërtimi Infrastrukture për objektin: “Rikualifikimi i aksesve rrugore të unazës lindore, Loti 2”, Bashkia Tiranë, me zhvillues Autoritetin Rrugor Shqiptar.
6. Leje Ndërtimi të Infrastrukturës për objektin: “Unaza Lindore Loti 3”, Bashkia Tiranë”, me zhvillues Autoritetin Rrugor Shqiptar.
7. Leje Ndërtimi Infrastrukturore për objektin: “Rrjeti Shpërndarës 20 kV nga N/Stacioni 110/20 kV Fieri i ri fiderat 10 deri 12 dhe Nënstacioni 110/20 kV Fieri 2 fiderat M1 deri M10, Bashkia Fier”, me subjekt zhvillues Operatorin e Shpërndarjes së Energjisë Elektrike (OSHEE) sh.a.
8. Leje Ndërtimi për objektin: “Ndërtimi i Landfillit, Inceneratorit dhe rehabilitimi i venddepozitimeve ekzistuese, me vendndodhje në Bashkinë Tiranë”, me subjekt zhvillues shoqërinë “Integrated Energy BV SPV” sh.p.k.
9. Leje Ndërtimi për objektin: “Godina e re e stacionit të PMNZ-së dhe ambienteve ndihmëse të saj dhe prishja e godinës ekzistuese”, me vendndodhje në Aeroportin Ndërkombëtar të Tiranës “Nënë Tereza” (TIA), me subjekt zhvillues “Tirana International Airport” sh.p.k.
10. Leje Ndërtimi për objektin: “Rikonstruksioni i sipërfaqeve të shtruara për pistën dhe rrugët lidhëse ekzistuese, në Aeroportin Ndërkombëtar të Tiranës “Nënë Tereza” (TIA)”, me subjekt zhvillues “Tirana International Airport” sh.p.k.
11. Leje Ndërtimi për objektin: “Depozita Bregdetare me kapacitet 3 x 10 000 m3 , ne zonën energjetike dhe industriale të Porto Romanos, Bashkia Durrës”, me subjekt zhvillues shoqërinë “Royal Trade Company” sh.p.k.
12. Leje Zhvillimi për objektin: “Kompleksi për grumbullimin, përpunimin dhe shitjen e produkteve bujqësore, agro – kulturore dhe pemëtarisë, me vendndodhje në Spitallë, Bashkia Durrës’’, me subjekt zhvillues shoqërinë “Naim Tragaj Group’’ sh.p.k.
13. Për miratimin e lejeve të zhvillimit/ ndërtimit nga autoritetet e zhvillimit të territorit, në zonat ku kategoria e propozuar e përdorimit të tokës, sipas PPV-ve të miratuara, është B (Bujqësi), me propozim të Ministrisë së Bujqësisë dhe Zhvillimit Rural.
14. Leje Ndërtimi për objektin: “Stallë për rritjen e dhive”, me vendndodhje në Bërdicë e Madhe, Bashkia Shkodër, me zhvillues shoqërinë “Chicken Land” sh.p.k.
15. Leje Zhvillimi për objektin: “Shtesë shërbimesh me funksion agroturizëm dhe hoteleri në objektin ekzistues “Taverna Melko”, 1 dhe 2 kat, me vendndodhje në fshatin Boboshticë, Bashkia Korçë”, me zhvillues Alketa Melko dhe Olsi Melko.
16. Leje për ndryshim projekti gjatë ndërtimit për objektin: “Ndërtim Resort Turistik “Neë Born”, Bashkia Sukth, Qarku Durrës”, me subjekt zhvillues shoqërinë “ALENTRE” sh.p.k.
17. Leje për ndryshim projekti gjatë ndërtimit për objektin: “Korpus Universitar, Universiteti Aldent”, Lundër, Farkë, Bashkia Tiranë, me zhvillues Adem Alushi.
18. Leje për shtyrje afati dhe ndryshim projekti gjatë ndërtimit për objektin: “Ndërtimi i Fabrikës së Pasurimit të Kromit”, me vendndodhje në Surroj, Bashkia Kukës, me subjekt zhvillues shoqërinë “Vllaznimi Deda Import Eksport” sh.p.k
19. Njoftim anëtarëve të Këshillit Kombëtar të Territorit mbi kërkesat për kontroll përputhshmërie të shqyrtuara nga Agjencia e Zhvillimit të Territorit, për periudhën 20.11.2018 deri më tani, sipas Vendimit Nr. 1, datë 30.07.2015 “Për përcaktimin e rregullave dhe procedurave që do të ndiqen nga Autoritetet e Zhvillimit të Territorit për shqyrtimin e kërkesave për Leje Ndërtimi deri në miratimin e Planeve të Përgjithshme Vendore”, i ndryshuar