KLGJ nuk u shqetësua për zhdukjen e vendimit të gjyqtarit nga Sekretarja por për “gjuhën qytetare”
Pas “rrjedhjes” nga KQZ të Vërtetimit të lëshuar nga Sekretarja e Regjistrit të Partive Politike pranë Gjykatës së Rrethit Gjyqësor Tiranë, Besa Korbeci, ku u konfirmua se Vendimi i gjyqtarit të kësaj gjykate të datës 25 Mars 2022 që njihte vendimet e Kuvendit të 11 Dhjetorit 2021 nuk u regjistrua, dhe, për pasojë me vërtetimin e datës 1 Mars 2023 e njihte për Kryetar të PD, Lulzim Bashën, të shkarkuar pikërisht nga ky Kuvend, ndryshimet e të cilit u pranuan me Vendimin e gjykatës në fjalë, pritej një reagim normal i Këshillit të Lartë Gjyqësor, pasi edhe pas Reformës në Drejtësi rezulton se vendimet e gjykatave vazhdojnë të jenë nën kontrollin e Sekretareve, pra, Partisë Shtet!
Por, jo, fatkeqësisht heshtje që rezolutoi se edhe Këshilli i Lartë Gjyqësor është nën kontrollin e Partisë Shtet, dhe për çudit nuk reagoi as për zvarritjet e apelimi të këtij vendimi gjyqësor në Gjykatën e Apelit, pra, të datës 25 Mars 2022, deri në ditën e fundit kur partia më e madhe opozitare, PD, që varej nga ky vendim, kishte të drejtën e regjistrimit për zgjedhjet lokale të radhës, pra, pas rreth një viti, 03 Mars 2023.
Duke mos hyrë në teknalitetet juridike të Vendimit të datës 3 Mars pranë Gjykatës së Apelit, pasi ato i vendos Kryeministri Edi Rama dhe jo një Drejtësi që rrjedhë nga Reforma në Drejtës, si nuk ka turp Këshilli i Lartë Gjyqësor duke reaguar pasi konstaton se ditët e fundit janë bërë deklarata nga persona publikë që shprehin pakënaqësi ndaj një vendimi të dhënë nga Gjykata e Apelit të Juridiksionit të Përgjithshëm.
“Gjuha e urrejtjes kundër gjyqtarëve është shqetësuese dhe e papranueshme. Thirrjet publike për vetëgjyqësi, ndaj një akti të pushtetit gjyqësor, pavarësisht mos dakordësisë me të, janë haptazi kundër rendit kushtetues, mbi bazën e të cilit funksionon shteti i së drejtës,” thekson pa pikë turpi KLGJ duke reaguar si organ i ngarkuar nga Kushtetuta për të garantuar pavarësinë, përgjegjshmërinë dhe mbarëvajtjen e pushtetit gjyqësor!
Meqë është i tillë, pse KLGJ e ngarkuar nga Kushtetuta për të garantuar pavarësinë, përgjegjshmërinë dhe mbarëvajtjen e pushtetit gjyqësor, nuk reagon kur ndaj një gjyqtari nuk ka gjuhë urrjetje por mohim që ai ekziston së bashku me Vendimin e tij që ka lëshuar, dhe këtë e vendos një Sekretare e Regjistrit e cila nuk bën thirrje për vetëgjyqësi, por, vendos akt vetëgjyqësie ndaj pushtetit gjyqësor dhe Këshilli i Lartë Gjyqësor HESHTI!
Ja dhe Vërtetimi i Sekretares së Regjistrit të Partive Politike të datës 3 Mars 2023, e KLGJ nëse vërtetë është e shqetësuar për pushtetin gjyqësor le të pyet se ku është vendimi i gjyqtarit të Gjykatës së Rrethit Gjyqësor Tiranë të datës 25 Mars 2022 për të kuptuar jo se nga buron urrejtja dhe aludimet për “kapje” të gjyqtarëve, por paligjshmëria e KLGJ!
Njoftimi:
Këshilli i Lartë Gjyqësor konstaton se ditët e fundit janë bërë deklarata nga persona publikë që shprehin pakënaqësi ndaj një vendimi të dhënë nga Gjykata e Apelit të Juridiksionit të Përgjithshëm.
Si organ i ngarkuar nga Kushtetuta për të garantuar pavarësinë, përgjegjshmërinë dhe mbarëvajtjen e pushtetit gjyqësor, Këshilli i Lartë Gjyqësor konstaton me keqardhje se ky nuk është një rast i izoluar i mosrespektimit të dinjitetit të gjyqtarit, një kusht i domosdoshëm për garantimin e shtetit të së drejtës.
Gjuha e urrejtjes kundër gjyqtarëve është shqetësuese dhe e papranueshme. Thirrjet publike për vetëgjyqësi, ndaj një akti të pushtetit gjyqësor, pavarësisht mos dakordësisë me të, janë haptazi kundër rendit kushtetues, mbi bazën e të cilit funksionon shteti i së drejtës.
Aludimet për “kapje” të gjyqtarëve, referojnë elementë të korrupsionit që, në mungesë të fakteve, minojnë rëndë besimin te drejtësia dhe autoritetin e pushtetit gjyqësor.
Liria e shprehjes e garantuar nga Kushtetuta e Republikës së Shqipërisë, nuk mbron në asnjë rast gjuhën e urrejtjes apo thirrjet për dhunë.
Për nga natyra e vet, veprimtaria gjyqësore shkakton pakënaqësi ndaj njërës apo tjetrës palë, por në një shtet të së drejtës, mjeti ligjor për të kundërshtuar një vendim gjyqësor është ankimi në një gjykatë më të lartë, sipas legjislacionit në fuqi, jo përbaltja e gjykatës, apo e
gjyqtarit.
Po ashtu, kushdo që vjen në dijeni të një veprimtarie apo sjellje të gjyqtarit që mund të përbëjë shkelje disiplinore sipas ligjit, ka mundësinë që rastin t’ia referojë Inspektorit të Lartë të
Drejtësisë, për të vlerësuar dhe vendosur nëse është vendi për fillimin e procedimit disiplinor të
gjyqtarit.
