KLP emëron dy prokurorë në SPAK

Këshilli i Lartë i Prokurorisë, KLP, ka vendosur të emëroj dy prokurorë në Prokurorinë e Posaçme, SPAK.

Këto emërime u bënë në përfundim të procesit të pikëzimit, ku KLP ka renditur prokurorët Adnan Xholi me 183 pikë dhe Dorina Bejkon me 180 pikë.

Kësisoj KLP ka vendosur emërimin e dy prokurorëve të sipërpërmendur në Prokurorinë e Posaçme, SPAK.

Deri më tani, Këshilli i Lartë i Prokurorisë ka emëruar 15 prokurorë në SPAK, kreu i së cilës strukturë, Arben Kraja, sot paralajmëroi hetim deri në fund për të gjithë ata që janë të përfshirë në veprimtari kriminale apo korrupsion, qofshin ata njerëz të thjeshtë apo zyrtarë.