KLP, ngritet SPAK “shkrihen” Krimet e Rënda, ja transferimet…

Kryetari i Këshillit të Lartë të Prokurorisë, KLP, Gent Ibrahimi, tha sot se me 18 dhjetor, tre kandidatët për kryetarë të SPAK do të zhvillojnë seancën dëgjimore, seancë kjo e cila do të zhvillohet me të njëjtin format ashtu siç u veprua me kandidatët për postin e kryeprokurorit. Kandidatët që kanë shprehur interes për këtë post janë Altin Dumani, Arben Kraja dhe Edvin Kondili.

“Dosjet e tyre janë në këshill. Seancat dëgjimore do të zhvillohen me 18 dhjetor dhe do të jenë publike, besoj do të jetë njësoj si me prokurorët e përgjithshëm. Do t’i vlerësojmë këto kandidatë mbi 7 kritere. Ne kemi marrë një vendim në bllok për këta prokurore kanë shërbyer tek Krimet e Rënda.”

Me datën 19 do të fillojnë punë  tetë prokurorët që kemi zgjedhur sqaroi kreu i KLP, Gent Ibrahimi ndërsa në datë 20 nuk do ketë as Gjykatë dhe as Prokurori të Krimeve të Rënda.

“Kur bëhet fjalë për ristrukturim nuk shohim kërkesat e prokurorëve, por nevojat e sistemit. Nevojat më të mëdha janë më shumë në Tiranë, por edhe në Durrës ka probleme. Problemet në Tiranë janë më të mëdha. Prokuroria e Krimeve të Rënda ka qenë ligjërisht si prokurori karriere. Jo të gjithë kanë shkuar në SPAK. Në datë 20 nuk do ketë as Gjykatë dhe as Prokurori të Krimeve të Rënda.Vendimet tona hyjnë në fuqi me datën 19,″tha  Ibrahimi.

Transferimet e prokurorëve…

KLP  ka miratuar sot transferimet e prokurorëve të Krimeve të Rënda. Kështu, shefja e Krimeve të Rënda, Donika Prela është caktuar përkohësisht në Prokurorinë e Shkallës së Parë të Tiranë, së bashku me 10 prokurorë  të tjerë, mes tyre emra të njohur si Besim Hajdarmataj, Manjola Kajana, Elizabeta Imeraj, Vladimir Mara etj.

Gjithashtu sot është miratuar me 11 vota pro projekt-akti për caktimin e përkohshëm tё ish-kryeprokurores së Përgjithshme të Përkohshme, Arta Marku, si prokurore në Prokurorinë pranë Gjykatës së Apelit në Tiranë. Ky vendimi hyn në fuqi me datën 1 janar të vitit 2020. Prokurori Anton Martini është caktuar nga KLP përkohësisht ne Prokurorinë  e Shkallës se Parë  në Tiranë, ndërsa emërimin e ka në Prokurorinë e Shkalles së Parë Shkodër

Lista e prokurorëve të transferuar pas “shkrirjes” së Krimeve të Rënda në Prokurorinë e Shkallës së Parë për Krime të Rënda dhe në Prokurorinë e Apelit për Krime të Rënda, janë si vijon:

-Besim Hajdarmataj

-Blerim Tominaj

-Doloreza Musabelliu

-Arens Çela

-Artan Bajrami

-Eugen Beçi

-Elisabeta Imeraj

-Manjola Kajana

-Përparim Kulluri

-Vladimir Mara