Koalicionet parazgjedhore, Lutfi Haziri: LDK e vetme në zgjedhje!
Nënkryetari i Lidhjes Demokratike të Kosovës, Lutfi Haziri, tha sot se LDK nuk do të hyjë në koalicion parazgjedhor me asnjë parti.
“Kuvendi i LDK ka vendosë që LDK të shkojë e vetme në zgjedhje. Ne besojmë shumë që në këtë fazë, as me ata e as me kta, në kuptimin as me PDK e as me VV, duke qenë se LDK mund t’i fitojë zgjedhjet e vetme dhe është rikthimi i saj i madh në skenën politike,” tha Haziri duke sqaruar dhe kandidaturën e LDK-së për kryeministër, ku sipas tij, në parti nuk është diskutuar asnjëherë kjo çështje duke qenë se Lidhja Demokratike e Kosovës sapo e ka zgjedhur kryetarin dhe është në proces të konsolidimit të strukturave të brendshme të partisë.
“Nuk është diskutuar asnjëherë nominimi, të nominuarit apo emri i cili do ta merrte përgjegjësinë për të udhëhequr procesin zgjedhor, kshtuqë kjo është me shumë spekulative,” tha Lufti Haziri duke saktësuar:
“Në këtë kohë as emri im e as emra të tjerë të lakohen nuk bëjnë nder sepse nuk jemi. Diçka çka nuk është duhet me thënë që nuk është. Derisa kryetari i zgjedhur me ekipi i tij të ulen dhe të diskutojnë modalitetin dhe mënyrën se si LDK do t’i qaset zgjedhjeve të ardhshme”, tha Lutfi Haziri
