Koçi Xoxe i shekullit XXI, i gjen të metat e Programit Qeverisës të PD
Pasi Kryetari i Partisë Demokratike, Lulzim Basha, prezantoi Programin Qeverisës të PD, pritej që ekspertët socialist ta zbërthejnë këtë program ndonëse Partia Socialiste nuk e di ç’është programi sepse në pushtet erdhi me një tufë premtimesh që u dekoruan me sharje drejtuar Saliut. Por, vërjetjet e para këtij programi nuk i bënë ekspertët por njeriu që qeverisë me kazanë e tepsi për 8 vjet! Jo, nuk është Koçi Xoxe, është mutacioni shumë më i keq i teneqexhiut dhe politikanit, i cili përveç laboratoreve serbe u eksperimentua edhe gjetkë!
“Programi i PD në 2021 si tramvaji i Tiranës në 2011. Gjumë të ëmbël,” thekson Edi Rama në reagimin e tij sot pas 8 vjetësh qeverisjeje pa program, pa përmbushur premtimin për vaksina dhënë në vitin 2021 ama duke mos harruar ato që rivali i tij i ka thënë dhjetë vjet më parë.
Sot Tirana nuk ka tramvaj sepse për mospërmbushjen e këtij premtimi është kujdesur dora vetë, humbësi i zgjedhjeve lokale në vitin 2011, Edi Rama. Por Tirana dhe jo vetëm, janë edhe pa vaksina si në javën e tretë ashtu dhe në javën e katërt të janarit, dhe sërish për këtë dështim është kujdesur dora vetë, Edi Rama. E sa për gjumë, vetëm ai ankohet publikisht se nuk e bënë duke menduar për Shqipërinë.
Ndryshe, duke filluar serinë e prezantimeve të vizionit për Shqipërinë dhe shqiptarët, të programit qeverisës të Partisë Demokratike, SHQIPËRIA FITON, Kryetari i PD Lulzim Basha, është i bindur se ky është një program që do ta çojë Shqipërinë përpara, menjëherë pas fitores së zgjedhjeve të 25 prillit.
“Planet që po nisim të shpalosim sot dhe javët në vijim nuk janë premtime. Janë angazhime të padiskutueshme të miat si kryeministër dhe të ekipit tim përpara jush, përpara çdo shqiptari dhe si të tilla do të përmbushen. Një kryeministër që nuk është i aftë t’i përmbushë angazhimet që merr përsipër duhet të largohet,” tha Lulzim Basha duke u zotuar:
“Unë sot marr këtë barrë të përgjegjësisë para jush. Jo pas 8 vitesh por direkt në katër vitet e para sipas një plani të detajuar muaj pas muaji, javë pas jave, ditë pas dite.
Ka ardhur koha për ndryshim!”
