Kocijançiç: BE do të vazhdoj t’i referohet Ish Republika Jugosllave e Maqedonisë

Ndryshe nga shefi i diplomacisë greke, Zëdhënësja e Komisionit Evropian Maja Kocijançiq theksoi se Bashkimi Evropian do të vazhdoj t’i referohet  si Ish Republika Jugosllave e Maqedonisë për aq kohë sa Marrëveshja nuk kalon të gjitha filtrat deri te miratimi final i saj.

“Marrëveshja është arritur, por mbeten një numër hapash që duhet të ndërmerren që të kompletohet. Për komunikim zyrtar do të vazhdojmë ta quajmë Ish Republika Jugosllave e Maqedonisë, siç është rasti me komunikatat tona të deritanishme,” tha zëdhënësja e Komisionit Evropian,Maja Kocijançiç.