Kodi i ri Zgjedhor, Basha: Akt antikushtetues, shkatërron konsensusin e 5 Qershorit!

Pas votimit të ndryshimeve në Kodin Zgjedhor në Parlament ka reaguar Kryetari i Partisë Demokratike, Lulzim Basha, duke e cilësuar si një akt antikushtetues i cili shkatërron konsensusin e 5 qershorit dhe godet rëndë integrimin europian të vendit

“Akti i sotëm antikushtetues shkatërron konsensusin e 5 qershorit dhe godet rëndë integrimin europian të vendit. Rama e hodhi hapin e fundit drejt greminës. Por ai nuk do ti marrë dot me vete Shqipërinë dhe shqiptarët,” tha Lulzim Basha në reagimin e tij përmes rrjetit social Twitter duke përfunduar:

“Asgjë nuk e shpëton dot atë nga humbja dhe ndëshkimi që e pret!”

Ndryshe, ndryshimet në Kodin Zgjedhor sot u miratuan në seancë plenare me 97 vota për, 15 kundër dhe 5 abstenime.