Kodi i ri Zgjedhor, Meta: Mos t’iu shkojë mendja të votoni pusht-pushtetin!

Presidenti i Republikës, Ilir Meta, ka paralajmëruar deputetët e llumit opozitar se nuk duhet t’iu shkojë mendja të përpiqen sot të votojnë ndryshimet në Kodin Zgjedhor, pasi sipas tij, do t’i mbyllin derën e integrimin evropian Shqipërisë.

Nuk kuptohet pse kur vetë është bashkëautor i krimit të Edi Ramës por sot Ilir Meta tha se do të publikojë emrat e të gjithë atyre që do të votojnë sot në Parlament, meqë sipas tij, do të marrin përgjegjësi individuale, pasi vendosin pusht-pushtetin mbi integrimin.

“Të ashtuquajturit opozitarë në Parlament, nëse duan të quhen opozitarë, nuk duhet t’iu shkojë mendja të përpiqen sot t’i mbyllin derën e integrimit Shqipërisë. Sot, ai që ngre dorën, përveç listave të hapura 100%, ai ngre dorën kundër integrimit evropian të Shqipërisë, ai vendos pusht-pushtetin, mbi integrimin. Kushdo që ngre dorën, duhet ta dijë që përgjegjësinë do ta ketë edhe individuale, për çdo pasojë që do të ketë kjo përmbysje tinëzare. Presidenti do t’i publikojë të gjithë emrat e atyre që do të guxojnë ta bëjnë një gjë të tillë, se kush janë ata që do duan ta kthejnë Shqipërinë 30 vite pas për të mbyllur një derë, e cila nuk ka zot në botë që ta mbyllë.

Presidenti do të bëjë atë që ka bërë gjithmonë, nëse vazhdojnë me 5 qershorit, do të vazhdojmë përpara, në të kundërt presidenti dhe 3 milionë shqiptarë do tregojnë se Evropa është në emrat tona dhe se ajo nuk është euro, por është dinjitet. Të gjithë e kanë në dorë sot të tregojnë ku do të jenë, me pusht-pushtetin apo me demokracinë,” tha Presidenti Meta dhe duke vazhduar të flas me kode të çuditshme që i ngjajnë atyre të bandave kriminale, se do të ketë një faturë shumë të madhe historike dhe individuale për të gjithë ata deputetë, që votojnë këto ndryshime.

“Vendi ynë duhet të ishte sot në BE, por ka humbur shumë kohë. Për fat të keq ne jemi vonuar. Shpresoj që sot të merret një vendim i drejtë, të respektohet marrëveshja e 5 qershorit. Cdo prekje e njëanshme e marrëveshjes historike të 5 qershorit do të jetë një faturë shumë e madhe historike dhe personale për të gjithë ata që do të ngrenë dorën kundër integrimit evropian të Shqipërisë, pasi i kemi paralajmëruar në mënyrë të qartë dhe të vazhdueshme,” tha Meta duke përfunduar:

Vetëm duke respektuar marrëveshjen, duke bërë zgjedhje të lira e demokratike, ne çelim negociatat, por edhe japim shembull për cdo vend tjetër. Maqedonia e Veriut na ka dhënë një shembull të shkëlqyer se si kapërcehen problemet e brendshme dhe si zgjidhen krizat. Të mos harrojë asnjë deputet se përgjegjësia e tij do të jetë individuale, nëse ngre dorën kundër të ardhmes evropiane.”

Ndryshe, Kryeministri Edi Rama ka paralajmëruar për sot se do të votohet ndryshimet në Kodin Zgjedhor ndonëse nuk ka konsensus as në Këshillin Politik dhe as me deputetë të llumit opozitar.