Kodi Zgjedhor, ndërhyrja e Varhelyit, Rama: Nuk presë asnjë sekondë!
Komisioneri për Zgjerim pranë BE, Oliver Varhelyi, ishte i kënaqur që Kryeministri Edi Rama mirërpret opinionin e Komisionit të Venecias, por kjo kënaqësi nuk i ndryshoi mendjen Ramës për të votuar ose jo ndryshimet në Kodin Zgjedhor në seancën plenare të së enjtes. Madje Kryeministri Edi Rama tha se i kishte bërë qartë Komisionerit Varhelyi se parlamenti nuk do presë asnjë sekondë dhe se nuk ka pse të hyhet në spiralen e një aventure ku na fton Ilir Meta.
“Unë e kam sqaruar dhe komisionerin në një bisedë që kemi pasur, pa dorashka se parlamenti nuk do presë asnjë sekondë sepse kemi zgjedhjet më 25 prill dhe s’kemi pse të hyjmë në spiralen e një aventure ku na fton Ilir Meta që ka qëllim të sabotojë këtë proces,” tha Edi Rama duke sqaruar edhe mirëpritjen:
“Komisioni i Venecias i mirëpritur të sjellë kur të pjekë opinionin e vet. Ai opinion do diskutohet me të gjitha forcat politike dhe do mbetet për të adresuar çfarëdolloj çështje që mund të dalë përtej 25 prilli. Nuk kemi kohë për të humbur dhe për t’iu futur një aventure. Implementimi i ligjit zgjedhor kërkon kohën e vet, është marrë një angazhim për identifikimin biometrik, koha është e ngushtë,” tha Kryeministri Edi Rama i cili duke mos gjetur asnjë arsye që të mos e refuzojë Ilir Metën në sekondën e parë që kalon afati, ndërsa përfundoj:
“Ilir Metën me të gjithë këtë përpjekje, që është tashmë një përpjekje botërisht e identifikuar si përpjekja e një lideri alternativ të një opozite të copëtuar dhe të një lideri absolut të një partie të degraduar.”
Ndryshe, sot Komisioneri për Zgjerimin pranë BE, Oliver Varhelyi, ka reaguar sot pas deklaratës së Kryeministrit Edi Rama, por siç duket dukshëm i painformuar, se është i kënaqur që Kryeministrit mirëpret opinionin e Komisionit të Venecias për ndryshimet kushtetuese të Kodit Zgjedhor:
“Kodi zgjedhor i Shqipërisë: I kënaqur që Kryeministri mirëpret opinionin e Komisionit të Venecias për ndryshimet kushtetuese të korrikut. Prandaj do të ishte e matur të presim që të dorëzohet para rivotimit në Parlament. Pres zgjedhje të lira dhe të ndershme në prill 2021,” tha Komisioneri Varhelyi.
