“Koka” e Mini Shengenit, Vuçiç: Kemi luftuar që Air Serbia të mos shkel në Prishtinë!
Njëra ndër arritjet e para të qeverisë së drejtuar nga Edi Rama, trumbetohej shtatorin e vitit 2014, fluturimi i parë i Air Serbia në Tiranë, për të cilën edhe vet Aleksandar Vuçiç, ishte lumturuar. Por sot Presidenti i Serbisë, Aleksandar Vuçiç, i cili po merr pjesë në Forumin Ekonomik në Davos ishte zgjuar në mëngjes për ti thënë popullit serb përmes televizionit publik serb, RTS, se sa i lumtur është që Air Serbia nuk do të shkelë në Prishtinë; Dhe nuk e fshehë, kishte luftuar fortë që kjo të mos ndodhë.
Duke ju drejtuar kombit serb në një intervistë ekskluzive për RTS, Vuçiç tha se ishte i lumtur që Serbia për të 6 vitin me radhë po përfaqësohet në Davos ndërsa uke komentuar takimin me Këshilltarin për Siguri Kombëtare të Presidentit Trump, Robert O`Brian, tha se sot mund të flasin hapur me partnerin amerikan edhe pse e pranoi se shteti serb është në situatë të vështirë.
“Marrëdhënia e SHBA ndaj Kosovës është kundërshtim me qëndrimin tonë. Nuk mendoj se ata do të kalojnë në anën tonë, por janë të gatshëm të dëgjojnë kërkesat dhe problemet tona. Kemi hapur portën prapa së cilës mund të flasim hapur me partnerët amerikan, dhe jo si më parë,” tha Vuçiç nga Davosi.
Pas firmosjes së Marrëveshjes për rikthimin e linjës ajrore Prishtinë-Beograd, Washingtoni dhe Brukseli zyrtar e vlerësuan arritje ndërsa Vuçiç u pyet për faktin që disa e quajtën edhe cenim të pavarësisë së Kosovës:
“Në Prishtinë kërcënohet pavarësia sapo ta shohin ndonjë serb,” tha Aleksandar Vuçiç i cili duke e konsideruar veten si ideatorin e Mini Shengenit dhe pretendonme Edi Ramën ti bashkoj shtetet e Ballkan në një zonë të përbashkët, vazhdon të përçmoj shqiptarët e Kosovës që nuk mendojnë si ai dhe vazhdojnë të mos kenë mendje kriminale si serbët. Dhe jo vetëm kaq! Ai duke vazhduar të ofendoj kombin shqiptar në pafundësi kishte dhe ca ofendime, edhe pse në orët e para të mëngjesit, për opozitën e tij në Serbi:
“Kemi parë një padije të madhe, ku disa pyesnin pse nuk fluturon “Air Serbia” për Prishtinë. Nuk fluturon sepse nuk është mirë, sepse kemi luftuar që të mos fluturoj dhe këtë e kemi kërkuar sepse në këtë moment do të duhej që me pushtetin e tyre të firmosej Marrëveshja, ishte shumë më lehtë përmes kompanisë “Lufthansa” dhe KFOR-it si ndërmjetësues,” sqaroi Vuçiç.
Por Presidenti i Serbisë, Aleksandar Vuçiç, që është e qartë se nuk e sheh veten në pasqyrë, mëngjesin e sotëm akuzoi shqiptarët që kritikuan Marrëveshjen për linjën ajrore dhe vazhdon ta bëjë të paditurin se është president i kriminelëve që përgjakën Ballkanin dhe jo shenjtorëve.
“Unë këtë nuk e kuptoj në shekullin e XXI, këtë nuk mund ta bënin as në shekullin e XV, as XVI, e lëre më ta përballoni në shekullin XXI. Disa kanë mbetur me mendësi të feudalizmit të hershëm dhe nuk mund të mësohen në shoqërinë moderne,” tha Aleksandar Vuçiç pa sqaruar se cila është bota moderne që pretendon.
Në botën moderne të cilën ka vepruar dhe është bërë President i Serbisë, Aleksandar Vuçiç mendon se duhet vrarë 100 boshnjakë për çdo serb të vrarë, Masakra e Reçakut është trillim, duhet të lumturohesh kur Air Serbia fluturon drejtë Tiranës por jo edhe për fluturimin drejtë Prishtinës. Dhe, jo vetëm kaq! Shoqëria moderne e Aleksandar Vuçiçit kundër fluturimit të Air Serbia drejtë Prishtinës duhet të luftoj!
