Kokaina në det, testohen peshkaqenët, rezultojnë pozitiv

Shkencëtarët kanë testuar peshkaqenët në det në afërsi të bregdetit brazilian duke zbuluar se janë pozitiv në kokainë.

Ka kohë që shkencëtarët sugjerojnë se jeta në det mund të ndikohet nga droga të cilën trafikantët e hedhin në det. Me mijëra kilogram kokainë janë gjetur në ujërat përreth Floridas, Amerikës Qendrore dhe Amerikës së Jugut.

Studimi i kompanisë Oswaldo Cruz në Brazil ka gjetur dëshmi se peshkaqenët janë nën ndikimin e drogërave që ndotin oqeanin.

Shkencëtarët kanë testuar 13 peshkaqenë brazilian, Rhizoprionodon lalandii, të cilët janë blerë në varkat e vogëla të peshkataraëve. Ky lloj peshkaqeni gjithë jetën e kalon në ujërat bregdetare dhe tashmë sipas të gjitha gjasave bashkëjeton me mospastrimin.

Që të gjithë, të 13 peshkaqenët rezoltuan pozitiv në drogë, me një përqendrim 100 herë më të lartë se sa ishte raportuar më parë për gjallesat tjera të detit, zbuluan shkencëtarët.

Mirëpo, studimi tregon se fusha e hulumtimit “është shumë e kufizuar” dhe se ndikimi i kokainës në jetën nënujore nuk është i njohur në tërësi.