Kokainë dhe armë/ Shkatërrohet një bandë shqiptare në Bruksel, 30 të arrestuar

Kokainë, armë, para, ora luksoze, diamante dhe makina u sekuestruan nga policia gjyqësore federale e Brukselit gjatë një operacioni bastisjesh shtëpish në zona të ndryshme të këtij shteti, ku u arrestuan 30 persona pjesëtarë të një bande shqiptare.

Mediat belge raportojnë se si objektiv i aksionit ishte goditja e bandës shqiptare dhe tregtisë së tyre ndërkombëtare të drogës dhe të armëve.

“Mëngjesit e sotëm, rreth orës 04:00, qindra oficerë policie kryen tridhjetë kontrolle shtëpish në Antwerp të Brukselit, ndërsa arrestoi disa persona në Belgjikë, Spanjë, Itali, Gjermani, Kroaci dhe Holandë,” raporton media belge HLN duke shtuar se nuk është hera e parë që mafias shqiptare i jepet një goditje.

“Ishte zbulimi i një bote të re kriminale në të gjithë territorin e Brukselit, e cila deri më tani ka arritur të mbetet kryesisht e padukshme,” tha Drejtor i Policisë Gjyqësore Federale të Brukselit, Eric Jacobs, duke folur për operacionin i cili pasoi atë të parin ku u arrestuan 64 persona ndërsa 114 banesa u bastisën nga policia.

“Gjithashtu rezultoi se në Bruksel po zhvillohet një luftë e vërtetë droge. Ka një grindje territoriale mes dy klaneve që ka rezultuar tashmë në të paktën tetë vendbanime, si në vendin tonë ashtu edhe në Shqipëri,” raporton media belge ndërsa saktëson se hetuesit zbuluan gjithashtu 6 laboratorë të përpunimit të kokainës.

Ndryshe, ky operacion erdhi pasi hetuesit arritën të dekodojnë miliona mesazhe që përdoreshin nga banda shqiptare në aplikacionin SKY ECC.