Kolaudimi i mjeteve nga shteti, Edi Rama: Ja si do të veprohet nga Janari 2021!

Me përfundimin në dhjetor të koncesionit të kontrollit teknik të mjeteve rrugore, Kryeministri Edi Rama bënë të ditur sot se ky shërbim do t’i kthehet shtetit dhe do të kryhet nga DPSHTRR ndërsa foli dhe për risitë nga janari 2021 që do të lehtësojnë drejtuesit e automjeteve:

“Mjetet e reja (0 km) 3 vitet e para nuk do të kalojnë në kolaudim; Mjetet e përdorura, nga 1 herë në vit do ta kryejnë kolaudimin 1 herë në 2 vjet; Mjetet taksi, autoshkolla dhe mjetet e transportit të mallrave dhe udhëtarëve nga çdo 6 muaj do ta kryejnë kolaudimin vetëm 1 herë në vit,” tha Kryeministri Edi Rama duke premtuar se tarifat aktuale nuk do të rriten dhe rradha famëkeqe e stresit dhe humbjes së kohës tek kolaudimi do marrë fund.

ME NJË LAJM TË MIRË

Me përfundimin në dhjetor të koncesionit absurd të kontrollit teknik të mjeteve rrugore (kolaudimi), ky shërbim, sikundër e kemi premtuar, do t’i kthehet shtetit dhe do të kryhet nga #DPSHTRR dhe nga janari 2021 do të ketë këto risi që do të lehtësojnë drejtuesit e 630 mijë automjeteve:

• Mjetet e reja (0 km) 3 vitet e para nuk do të kalojnë në kolaudim

• Mjetet e përdorura, nga 1 herë në vit do ta kryejnë kolaudimin 1 herë në 2 vjet

• Mjetet taksi, autoshkolla dhe mjetet e transportit të mallrave dhe udhëtarëve nga çdo 6 muaj do ta kryejnë kolaudimin vetëm 1 herë në vit!

• Tarifat aktuale nuk do të rriten, megjithëse afati i vlefshmërisë zgjatet• Rradha famëkeqe e stresit dhe humbjes së kohës “tek Kolaudimi” do marrë fund

• Cilësia e shërbimit do të rritet, përafrimi me Direktivat e BE në fuqi do të përshpejtohet, modernizimi e informatizimi i këtij shërbimi do të jetë prioritet, sikundër është bërë deri tani në punën transformuese të DPSHTRR

***fotot nuk janë 3D por realiteti i institucionit të sapo rilindur të DPSHTRR Fier