Kolegji i Kryetarëve i PD, sot përcaktohet forma dhe data e protestës

Kryesia e re e Partisë Demokratike ka vendosur në mbledhjen e parë që sot në orën 11:00 të zhvillohet Kolegji i Kryetarëve për të diskutuar mbi strategjinë e protestave që duhet të ndiqen dhe datën e mbajtjes së tyre. Këtë e bëri të ditur Sekretari i Përgjithshëm i PD, Gazment Bardhi pas mbledhjes së Kryesisë duke folur për vijueshmërinë e zbatimit të vendimeve që u morën në këtë mbledhje.

“Në orën 11:00 do të mblidhet Kolegji i Kryetarëve që do diskutojë formën e protestës, datën e protestës dhe detaje që lidhen me protestën dhe me zbatimin e vendimit të këshillit kombëtar,” tha Gazment Bardhi në përfundim të mbledhjes së parë të kryesisë së re të PD duke shtuar:

“Dhe më pas, gjatë pasdites do ketë një mbledhje tjetër të kryesisë së PD-së mbi detajet dhe strategjinë e protestave që do ndjekë opozita.”