Kolegji, Kryetarët e Degëve kundër Bashës: Ju keni përçarë partinë!
Ndonëse Kryetari i Partisë Demokratike, Lulzim Basha, duke folur në Kolegjin e Kryetarëve akuzoi për përçarje të PD-së, “Foltoren” dhe liderin historik Sali Berisha, pesë Kryetarët e Degëve Vlorë, Devoll, Fushë Krujë, Paskuqan dhe Dega 1 në Tiranë prezent në Kolegj, akuzuan Bashën se është ai që ka përçarë partinë.
Në Kolegj ata u shprehën qartë se do t’i përgjigjen thirrjes së anëtarësisë dhe do marrëin pjesë në Kuvendin e 11 Dhjetorit dhe jo atë të 18 Dhjetorit që vendosi Kryetari i PD me Kryesinë e komanduar ndërsa Kryetari i PD Dega Paskuqan, Anton Pjetërnikaj, shkoi edhe më largë duke e konsideruar thirrjen e Kryetarit Basha për Kuvendin e 18 Dhjetorit është thirrje për përçarje.
“Ju keni përçarë partinë. Kuvendi i datës 11 dhjetor është i demokratëve. Çdo thirrje tjetër është përçarje. Po përçani partinë. Është detyra juaj që ta zgjidhni këtë ngërç. Të gjithë delegatët me një përjashtim të papërfillshëm kanë firmosur formularët. Dhe Kuvendi do të mbahet më 11 dhjetor. Ju nuk jeni në gjendje që të mbushni mendjen e demokratëve se kush ka të drejtë. Dhe të drejtë ka shumica nga e cila ne dhe ju, jemi zgjedhur.
Kryetar i PD Dega Nr. 1 Tiranë, Fetah Hasani foli për një tjetër realitet nga ai për cilin foli Lulzim Basha dhe i bëri thirrje atij që të bashkohet me Kuvendin e demokratëve.
“Mbi 80 % kanë firmosur nga Dega 1. Ne jemi zgjedhur nga anëtarët e Kuvendit dhe duhet të jemi me ato. Është përçarë PD. Dr. Berisha ka bërë thirrje dhe e gjithë anëtarësia do shkojë më dattë 11. Teoria e përjashtimit që u hodh nga një koleg dhe vendimi i Kryesisë dëmton PD. Duhet gjetur një zgjidhje nga ju që të kemi një Kuvend ku të bashkohemi për të mirën e PD,” Hasani ndërsa Kryetari i PD Dega Vlorë, Genc Deromemaj, duke folur me përfundimin e Kolegjit të Kryetarëve ka shuajtur kuriozitetin nëse Kryetari Basha ka thënë se do përjashtohet ai që merr pjesë në Kuvendin e 11 Dhjetorit. Deromema përveç se e konfirmoi bëri të qartë se gjithsesi ai do të jetë në Kuvendin e 11 Dhjetorit.
“Mbledhja u zhvillua në lidhje me Kuvendin e thirrur nga Kryesia e PD për datën 18 dhjetor. Ky Kuvend tashmë është zgjidhur dhe vendimin e kanë marrë delegatët me të drejtë vote në gjithë Shqipërinë. Diskutimet e tjera nuk kanë vlerë. Kjo se vendimi i delegatëve prevalon mbi çdo lloj strukturë tjetër organizative në PD. Nëse përjashtimi im i mundshëm apo kolegëve të mi do të sjellë të mirën e PD-së, le të bëhet. Unë do shkoj në Kuvendin e thirrur nga delegatët, që punojnë në degët tona.”
Në këtë mendje ishte dhe Kryetari i PD Dega në Devoll, Arben Miza i cili konfirmoi pjesëmarrjes në Kuvendin ku është anëtarësia, më 11 Dhjetor”
“Unë nuk kam përfituar asgjë në kohët kur Berisha ka drejtuar. Jo vetëm që nuk jam kërcënuar, por as thirrur të marrë pjesë në Foltore. E kam ndjer si detyrim nga anëtarësia që të jem i pranishëm në Foltore. Dhe firmëtarët kanë qënë të lirë të firmosin vetë për mbajtjen e Kuvendit në datë 11. Kolegji i Kryetarëve duhej të ishte thirrur për diskutim, para se të thirrej Kryesia. Kryesia se ka përjashtuar Kuvendin e datës 11dhjetor, por data 18 e vendosur nga Kryesia ka stimuluar çoroditje. Statutin e zbatoni sipas interesave tuaja personale. Na keni përmendur me forcë se s’ka Kuvend. Por unë do të marrë pjesë në Kuvendin e datës 11,” tha Miza ndërsa Kryetari i PD Dega Fushë Krujë, Agron Loka, ishte i prerë, ashtu siç ishte në Foltore:
“Do të respektoj verdiktin e delegatëve. Kam firmosur për mbledhjen e Kuvendit Kombëtar në datën 11 dhjetor!”
Ndryshe, Kolegji i Kryetarëve ashtu si dhe herë të tjera nuk u pyet për situatën në bazë për të marrë vendimet në strukturat më të larta, por Kolegji u thirrë në Qendër për t’iu komunikuar vendimet e Kryesisë së PD. Se si do ti pranojnë këto urdhëra Kryetarët e Degëve nuk ishte i nevojshëm Kolegji me diskutime prej 5 orëve sepse Kryetarin e PD, Lulzim Basha, e kundërshtuan ata Kryetarë që e kundërshtuan edhe para 25 Prillit me qëllimin për të fituar zgjedhjet!
Pse sot këta Kryetarë të Degëve ngelën për të dëgjuar Kolegjin e 17 Nëntorit për të dëgjuar instruksionet e Bashës se si duhet luftuar Sali Berisha për rrëzuar Edi Ramën, vetëm ata nuk janë fajtorë!
