Kolegji Zgjedhor: PD e Edi Ramës forca më e madhe opozitare, do ketë 2 anëtarë në KZAZ Kukës
Kolegji Zgjedhor ka pranuar kërkesë-padinë e PD-së së Edi Ramës, duke e cilësuar kështu si forcën më të madhe opozitare në vend, e dalë nga zgjedhjet vendore të 14 majit!
Nuk dihet se në cilat shifra është bazuar ky Kolegj Zgjedhor kur ka marrë këtë vendim, aq më keq kur relator i çështjes ishte një gjyqtar i cili ka dalë i pastër nga vettingu në të tre kriteret, Sokol Ibi, por ky është konfirmim jo vetëm që Edi Rama ka ndikim absolut në gjyqësor por që Reforma në Drejtësi ka dështuar.
Ndryshe, ky vendim i Kolegjit Zgjedhor shfuqizon vendimin e Komisionerit Shtetëror të Zgjedhjeve dhe atë të KAS, bazuar në shifrat e zgjedhjeve të 14 Majit që i jepte Partisë së Lirisë 2 komisioner dhe PD të Edi Ramës 1 anëtar në KZAZ, duke i dhënë të drejtën PD të Edi Ramës me drejtimi të deleguar te Lulzim Basha, të ketë 2 anëtarë në KZAZ edhe pse nuk merrë pjesë fare në zgjedhje, dhe Partia e Lirisë me 1 anëtar në KZAZ.
Ndërkohë i ndrituri relator i PS-së, Sokol Ibi, duhet ta dijë se PD e Edi Ramës jo vetëm që nuk është partia më e madhe opozitare nga zgjedhjet e 14 majit në Kukës por e 11-ta me vetëm 761 vota ose 3.3% dhe para saj renditen: ADK 854 vota ose 3.7%, PLL 892 vota ose 3.9%, PDS 947 vota ose 4.1%, ALD 1042 vota ose 4.5%, BD 1056 vota ose 4.6%, PDIU 1113 vota ose 4.8%, Nisma Thurrje 1151 vota ose 5.0%, PSD 1383 vota ose 6.0%, PAASH 1875 vota ose 8.1% dhe Bashkimi për Fitore 2152 vota ose 9.3!
PS e Sokol Ibit në zgjedhjet e 14 Majit mori 2400 vota ose 10.4%!
Pas këtij vendimi të grupit të strukturuar të krimit zgjedhor i ngarkuar me detyrë zyrtare nga Gjykata Administrative e Apelit “trup gjykues” i Kolegjit Zgjedhor për çështjen Nr.38 Regj. Themeltar, Datë 13.09.2023 Regjistrimi, me relator Sokol Ibi, dhe anëtarë Edlira Petri, Manjola Xhaxho, Esmeralda Xhili dhe Alma Kolgjoka, procesi zgjedhor në prag të zgjedhjeve të 24 shtatorit në Kukës po futet në një epokë të re që as OSBE-ODIHR dhe as ndryshimet e fundit në Kodin Zgjedhor nuk e kishin parashikuar:
Procesi zgjedhor pa autoritet të Komisionerit Shtetëror të Zgjedhjeve dhe KAS-it!
