Kolegji Zgjedhor/ Reagimi, Presidenti zhgënjeu, e shpëtoi kafja me gazetarët…
Pas vendimit të Kolegjit Zgjedhor, që rrëzoi kërkesën e Partisë së Unitetit Kombëtar, duke lënë në fuqi 30 Qershorin dhe fryrjes që i bënë mediat në shërbim të Ilir Metës reagimit që sot do bënte President i Republikës, sot ai jo vetëm që zhgënjeu opinionin e gjerë por edhe vetë Denar Bibën i cili vlerësuar nga përmbajtja e vendimit të Kolegjit mund të jetë edhe shkronjësi i tij!
Ajo që vlen të theksohet nga paraqitja e Presidentit në këtë mëngjes është kafja e me gazetarët edhe pse hoqi dilemën lidhur me shpërndarjen e Parlamentit dhe dorëheqjen e tij, vendime që nuk mund të kontestohen nga një politikan shqiptar i këtij kalibri ndërsa ka qetësuar edhe TCH sepse, sipas tij, na u paska trembur shumë!
Por çfarë tha Presidenti për vendimin e Kolegjit Zgjedhor:
“Vendimi i djeshëm është truk procedural për të justifikuar paligjshmërinë e organizatës së PS në KQZ dhe përpjekje e dëshpëruar për një operacion propagandistik brenda e jashtë vendimit për të anatemuar vendimin e kreut të shtetit,” tha Ilir Meta duke shtuar:
“Dje në Kolegjin Zgjedhor u shqyrtua kërkesa e një partie kundër vendimit të KQZ që e pengonte një parti të çregjistrohej nga zgjedhjet imagjinare të 30 qershorit. Kolegji e rrëzoi kërkesën për çregjistrimin e saj. Vendimi ka të bëjë vetëm me marrëdhënien e partisë ankuese dhe organizatës socialiste në KQZ që kanë vendosur të zhvillojnë një proces të paligjshëm në 30 qershor.”
Me këtë rast Presidenti ka shuar kureshtjen si të atyre që e këshillojnë edhe të atyre që e presin dorëheqjen e politikanit që ka dëshmuar se din të jap dorëheqje:
“Ky institucion nuk i përket Metës, por Republikës, dhe ku institucion nuk do të bjerë kurrë, përkundrazi nga ky do të fillojë ringritja e Republikës. Shqipëria nuk do te kthehet ne tirani personale te askujt dhe as do të bëhet koloni e asnjë fondacioni ndërkombëtar, është vend që i takon gjithë shqiptarëve, ndaj këtu do të jemi bashke deri në 24 korrik të vitit 2022,” tha Meta ndërsa kishte përgjigje kur u pyet të komentoj Ambasadorët që mbështesin Edi Ramën dhe 30 Qershorin:
“Unë nuk hyj te ata politikanë që flasin në emër të ambasadave dhe ndërkombëtareve dhe fshihen në emër të tyre. Presidenti është i duruar që të gjithë të reflektojnë e kuptojnë që pluralizmi ka tre dekada që ka ardhur, të kuptojnë edhe një gjë që nuk ua thonë dot ambasadorët se ndoshta nuk i lënë tua thonë, ua them unë, ua kam thënë edhe atyre edhe palëve, pa zgjedhje, jo vetëm gjithëpërfshirëse, por edhe me standardet më të mira, nuk ka e nuk do të ketë çelje të negociatave. Më besoni mua, unë jam esëll gjithë ditës, jo më tani në mëngjes,” tha Meta duke përsëritur:
“Në republikën e Shqipërisë i vetmi institucion që vë datën e zgjedhjeve është presidenti. Unë kam anuluar zgjedhjet në vend për shkak të krizës së rëndë politike që e keni vënë re, me qëllim normalizimin e situatës në vend. Mos prisni nga asnjë ambasador tu thotë këtë që po u them unë, edhe sikur të bëheshin zgjedhjet që nuk ekzistojnë pa opozitën, edhe sikur populli opozitarë të shkonte të duartrokiste ata që votonin, celja e negociatave do të ishte në një të ardhme të paditur. Këtë e kam sqaruar se zgjedhje të tilla nuk plotësojnë asnjë standard minimal të kritereve të Kopenhagenit por do të na dënonte nga gjykata e të drejtave të njeriut si ka ndodhur në shumë vende të tjera. Nuk kam anuluar zgjedhjet në asnjë vend tjetër, ambasadë apo fondacion. Kam krijuar këtë mundësi, por zgjedhje në 30 qershor ligjërisht nuk ka dhe nuk do të ketë.”
Për ta mbyllur këtë Konferencë pa lidhje Presidenti i dha përgjigje dhe thashethemeve nëse do ta shpërndaj Parlamentin, edhe pse këtë kompetencë nuk ia jep Kushtetuta:
“Presidenti i Republikës do bëj çdo veprim me shumë qetësi, me shumë përgjegjshmëri edhe do t’i shërbej mbrojtës së republikës dhe interesave të saj. Shpresoj ta bëjnë këtë të gjitha institucionet dhe qytetarët se bashku.”
Në fund, Presidenti i Republikës bëri gjënë më të duhur dhe i gostiti gazetarët me kafe pas një Konference të Jashtëzakonshme kot!
