Kolegji Zgjedhor rrëzon kërkesën e PD për Qarkun Gjirokastër

Kolegji Zgjedhor ka rrëzuar kërkesën e PD për marrjen e provave shtesë nga institucionet për zgjedhjet e 25 prillit ashtu si dhe atë për pavlefshmërinë e zgjedhjeve në Qarkun Gjirokastër.

Partia Demokratike e ka çuar çështjen e 25 prillit pranë Kolegjit Zgjedhor duke kërkuar që të merren në konsideratë 16 prova të cilat nuk i mori Komisioni i Ankimimeve dhe Sanskioneve, KAS, si dhe pavlefshmërinë e zgjedhjeve.

Ndryshe, Përfaqësuesi i Partisë Demokratike, Ivi Kaso, duke prezantuar padinë para Kolegjit Zgjedhor për Qarkun Gjirokastër se gjithë burimet shtetërore në zgjedhje u vendosën në dispozicion të PS dhe se vullneti i zgjedhësve u deformua me anë të presioneve e benefiteve nga mazhoranca.

‘’Disa raste ishin nga ky organ i specializuar. Ka patur vlerësojmë në kërkesë padinë që kemi dërguar ,dhe procesin administrativ në KQZ një skemë të organizuar të vënies në shërbim të mazhorancës ditën e zgjedhjeve deri rezultatin gjithë resurseve e burimeve shtetërore në dispozicion të PS.

Të ndaluara nga legjilsacioni zgjedhor.

Pavarësisht ndalimit që parashikon 4 muaj para zgedhejve legjislacioni, qëllimit që ka legjislatori jo vetëm në mënyrë formale të ndaloj qeverinë përdorimin e burimeve shtetërore, por edhe të japë benefite për kategori të ndryshme të shtetasve e zgjedhësve. U shkel me të dyja këmbët, u përdor masivisht çdolloj burimi shtetëror. Si në disa qarqe me tërmetin.

Struktura kriminale e vënë në punë nga mazhoranca dhe qeveria. Kriminaliteti në një zonë të caktuar punon për rezultatin e kandidatët e PS, dhe drejtorët e enteve që ndikojnë në procesin zgjedhor.

Vullneti deformohet me presion, benefite dhe siç është rasti i Gjirokastrës duke mohuar shtetasve shqiptarë votimin. Të drejtën për të marrë pjesë në procesin zgjedhor. Edhe intimidimi i administratës shtetërore, punonjësit të mbështesnin PS, mazhorancën në pushtet duke u kërkuar arsimtarëve, nëpunësve civilë, kujtdo me bordero shtetërore për pjesëmarrje me detyrim në takime elektorale.’’- tha Kaso.

Ai vijoi më tej duke thënë se janë 40 ankime nga PD vetëm për qarkun e Gjirokastrës teksa KAS nuk pranoi të marrë prova shtesë duke bërë hetim administrativ të paplotë.

”Më shumë se 40 ankime që personalisht si forcë politike ne Aleanca për Ndryshim. Për tu ndalur tek provat. Paraqitëm mbi 20 prova në KAS, dhe kërkuam marrjen e 19 provave të tjera që gjendeshin pranë institucioneve shtetërore, refuzuan ti ndajnë me ne të dhënat. Mbi funksionimin e përditshëm, veccanërisht para zgjedhjeve. Pavarësisht se institucionet refuzuan provat që do të provonin pavlefshmërinë. KQZ u kërkon institucioneve dokumente për hetimin administrativ. KAS me shumicë votash refuzoi kërkesën. Me një votim 3-2 u refuzua për fat të keq, duke e bërë një hetim administrativ jo vetëm të paplotë, por duke lënë provat domethënëse,” tha Kaso duke përfunduar:

“Kërkohet shpallja e pavlefshëm e zgjedhjeve dhe ripërsëritjen e tyre në kushte normale.”

Ndërsa Përfaqësuesi i Partisë Socialiste në Kolegjin Zgjedhor, Eridjan Salianji, i cilësoi si prova të cunguara ato të siguruara nga Partia Demokratike duke shtuar se se nuk mund të paraqesësh prova në Kolegj, të marra nga deklarata politike, pasi janë në kundërshtim me ligjin dhe Kodin Zgjedhor, e për këtë, ai kërkoi nga trupa e gjykatësve, të mos marrin parasysh provat e paraqitura nga PD.

“Sa i përket kërkesave ankimore, janë në kundërshtim me ligjin dhe kodin zgjedhor, ku flitet për pavlefshmëri. Nuk është përmendur asnjë shkelje konkrete. KQZ kryesisht ose me kërkesë të subjekteve zgjedhore i shpall në një apo më shumë qendra votimi të pavlefshme nëse ka shkelje të rënda. Të më përmendet një qendër votimi që ka shkelje ligji. Nuk kemi qendër konkrete ku është shkelur ligji. Ankuesit i kanë qëndruar në terma të përgjithshëm ankimeve, nuk janë detajuar. Pra, kërkohet prova, por duhen kërkohet me qendër votimi, nuk kërkohet prova nga deklarata politike.

Dihet se cilat janë llojet e provave, nuk mund të vish këtu e të thuash që kemi denoncuar këtë rast dhe të merret si provë. Ne kemi mirëkuptuar për shkak të fushatës elektorale, por, të ngresh të gjithë procesin ligjor për pavlefshmëri i mbështetur në deklarata politike, është në kundërshtim me Kodin Zgjedhor.

Është e qartë që të vinin me një qendër votimi, dhe të jepnin shembuj. Nuk përcakton kodi që të kërkohet pavlefshmërinë e të gjithë qarkut. Kërkesa ankimore duhet të rrëzohet që sa dëgjohet objekti, e ku thuhet të shpallen të pavlefshme zgjedhjet. Ne kërkojmë që provat të mos merren parasysh. PD duhet të kërkoj dokumentacionin e KZAZ-ve”, tha Salianji.