Kolegji Zgjedhor rrëzon Lapajn, mandatin e merrë mamaja e kandidatit të “Shqipëria Bëhet” në Vlorë

Kolegji Zgjedhor më në fundi i dha zgjidhje mandatit të koalicionit familjar “Nisma Shqipëria Bëhet” në zgjedhjet e 11 majit, duke i dhënë mandatin të parës në listë, mamasë së kandidatit të “Shqipëria Bëhet” në Vlorë, Ana Dajkos.

Adriatik Lapaj kishte dorëzuar më 4 gusht një padi në Kolegjin Zgjedhor, duke kërkuar mandatin si fitues i listës së hapur me vota preferenciale. Megjithatë, sot ai paraqiti një tjetër kërkesë, që të njihej vendimi i kryetarit të KQZ-së Ilirjan Celibashi më 23 korrik, i cili ia kishte dhënë mandatin motrës së tij, Kleana Xhuveli.

Kreu i KQZ-së, ndonëse nuk pranoi të digjte 12 kandidatët e listës së mbyllur sipas marrëveshjes së koalicionit, ua njohu atyre të drejtën e tërheqjes. Në këtë kuadër, Kleana Xhuveli (e katërta në listë, motra e Lapajt) dhe Zeqir Kordhoni (i nënti, daja i Endri Shabanit) kërkuan mandatin e deputetit. Por ky vendim u rrëzua nga KAS, duke i hapur rrugë rikthimit të mandatit te Ana Dajko.

Kështu, pas vendimit të sotëm të Kolegjit Zgjedhor, pritet certifikimi zyrtar i rezultateve të zgjedhjeve të 11 majit.