Kolona kilometrike në kufi, në Merdare pritje deri në 7 orë
Pritje dhe kolona të gjata në vendkalimet kufitare me Serbinë u paraqitën sërish me pëfundimin e pushimeve të bashkatdhetarëve në Kosovë.
Qendra Kombëtare për Menaxhim Kufitar, raporton se kolonat më të gjata janë krijuar në vendkalimin kufitar Merdare, ku sipas përditësimit të fundit kolonat e makinave shkojnë deri në 3.5 kilometra ndërsa pritet deri në 7 orë për të dalë nga Kosova.
Në vendkalimin kufitar Jarinje, ndonëse kolonat e makinave janë gjithashtu 3.5 kilometra pritjet shkojnë deri në 3 orë.
Ndërkohë në vendkalimin kufitar Dheu i Bardhë, kolonat e makinave, sipas QKM, shkojnë deri në 1 kilometër ndërsa pritet 3 orë.
