Komisioneria e BE për Shëndetin “gjen papritur” 4 milionë euro në llogari!

Stella Kiriakides, është Komisionere e BE për Shëndetin. Qipriotja, ka firmosur kontratat për vaksinën kundër COVID-19 me firmat farmaceutike, e papritur në llogarinë e saj private u derdhën 4 milionë euro; Origjina është e vështirë të shpjegohet.

Mediat qipriote janë munduar ta arnojnë lajmin duke folur për korrupsion pasiv.

Mediat mainstream heshtin, duke u përpjekur ta kalojnë këtë lajm si fake news. Zbulimi i këtij skandali, me sa duket, është bërë nga mediat hungareze, që kanë ngulur dhëmbin e helmuar, pasi Orban – duke parashikuar dhe vonesat e ngatërresat e Von Der Leyen me pretendimin e blerjeve të centralizuara që falimentuan me bujë, ishte përkujdesur të blinte vaksinën ruse, dhe ndërkohë ka parë reagimin inatçor të BE që ka kërkuar të nxisë e mobilizojë opozitën e brendshme hungareze për të provokuar një reagim change në Budapest.

Kështu që gazetari hungarez Miklos Omolnar,  drejtor i tabloidit dhe i revistave të Mediaworks, këtë radhë ka gjetur ryshfete për 4 milionë euro që kanë rënë si shi pranvere mbi llogarinë e Komisioneres.

“Një prej skandaleve më të mëdha korruptive në historinë e BE po na ndodh nën hundën tonë, e meqenëse historia është shumë e shëmtuar, pjesa më e madhe e mediave evropiane, media të vetëshpallura, nuk sheh, nuk dëgjon, e as flet, ashtu si zakonisht”, shkruan borsonline.hu.

“Stella Kirikades, Komisionerja për Shëndetin që ka firmosur kontratat e vaksinave të BE, që vonojnë, është përfshirë në një skandal korrupsioni të papranueshëm.  Shumë janë të bindur që është korruptuar nga prodhuesit e vaksinës”.

Paratë kanë zbarkuar në llogarinë bankare të Komisioneres nëpërmjet Bankës Kooperative të Qipros që është në pronësi të shtetit; Janë përpjekur ta maskojnë si një lloj huaje. Por shifra është shumë e lartë për të qenë thjesht një hua, pasi Komisioneria evropiane për Shëndetin nuk ka asnjë garanci reale, për ti lejuar vetes një hua të këtyre përmasave.

Ashtu siç ka pohuar një relacion i Kontrollit të Lartë të Shtetit qipriot: Kjo shumë parash nuk mund të jetë një hua, ashtu siç ka pohuar ministrja. Stella Kirikades nuk është në gjendje të kthejë këtë shumë të madhe, as nga rroga e saj, e as nga burime të tjera, pra kjo është qartësisht një tentativë për të maskuar korrupsionin.

Disa vite më parë, në rolin e ministres së Shëndetësisë qipriote, Stella Kirikiades, dhe rrjeti i bashkëpunëtorëve të saj, vendosën të privatizonin të gjithë rrjetin e trajtimeve onkologjike në ishullin e Qipros, e një akt i tillë provokoi një shpërthim të tmerrshëm në rritjen e kostos për trajtimin e kancerit.

Emri i një familje që pasurohet falë të sëmurëve me kancer është kthyer në një skandal të madh në të gjithë vendin. Kur gjendja u bë e papërballueshme, çështja u shtrua në parlamentin qipriot. Të gjithë parlamentarët votuan për shtetëzimin e kurave kundër kancerit, për të ulur kostot e trajtimit, përveç deputetes Stella Kirikades.

Sot është Komisionere e BE për Shëndetin, ajo që firmosi kontratat e vaksinimit të kritikuara nga të gjithë. Lajmi është mjaft ndriçues për mënyrën e qeverisjes së BE, larg nga sytë hetues të elektoratit, dhe me dashamirësinë e magjistraturës. Nëse Komisionerja e gjeti veten me 4 milionë në llogari, do të ishte e bukur të dinim, se me sa e ka gjetur veten Ursula. E përse jo, edhe ndokush nga ministrat tanë? /Blondet& Friends, Përgatiti:Gjergj Hani/