Komisioni Hetimor i 25 Prillit, PD kërkon nga Edi Rama, krerët e SPAK, Shërbimit Informativ, Kadastrës…

Ndodhi çudia! Në mbledhjen e shtatë me radhë Komisioni Hetimor për Zgjedhjet e 25 prillit sot arriti të zhvilloj një seancë pa braktisjen e deputetëve të mazhorancës ku u miratua Rregullorja, u zgjodh Sekretari i Komisionit dhe në fund inicuesi i këtij Komisioni, Partia Demokratike, arriti të parashtroj përmes Kryetarit të Komisionit, Enkelejd Alibeaj, 21 kërkesa për informacion me qëllim të zbërthimit tër masakrës zgjedhore.

Kështu, PD kërkon informacion të plotë nga Drejtuesi i Prokurorisë Kundër Korrupsionit dhe Krimit të Organizuar, SPAK, Arbe Kraja, nga Kryetari i Këshillit Kombëtar të Territorit, Edi Rama, në lidhje me numrin e lejeve të ndërtimit që janë dhënë për periudhën 01.01.2020 –30.04.2021, dhe për të njejtën periudhë informacion të plotë nga Drejtorja e Përgjithshme e Agjencisë së Prokurimeve Publike, Reida Kashta, si dhe informacion të plotë nga Drejtori i Përgjithshëm të Kadastrës Artan Lame në lidhje me numrin e lejeve të legalizimit.

Partia Demokratike kërkon informacion të plotë dhe të detajuar nga Drejtori i Përgjithshëm i Policisë së Shtetit, GledisNano, për numrin e shtetasve të ndaluar, arrestuar dhe që janë referuar pranë organit të akuzës për krime zgjedhore, në rang kombëtar dhe për secilin qark ndërsa nga Drejtori i Përgjithshëm i Shërbimit Informativ të Shtetit, Helidon BENDO, kërkon informacioni të detajuar në lidhje me 4 pyetje të cilat kanë të bëjnë me veprimtarinë dhe nëse janë konstatuar persona të dyshuar si të përfshirë në krime zgjedhore.

Ndryshe, Komisioni Hetimor për zgjedhjet e 25 prillit ka miratiar propozimin e mazhorancës për Sekretar të Komisionit Hetimor, deputetin socialist, Klevix Xhoxhi.

21 kërkesat për hetimin e zgjedhjeve nga PD:

1. Arben Kraja, SPAK

PD kërkon informaciontë plotë dhe të detajuar Drejtuesit të Prokurorisë Kundër Korrupsionit dhe Krimit të Organizuar Arbe Kraja, për numrin e kallëzimeve penale të depozituar pranë kësaj prokurorie lidhur me krimet zgjedhore. Numrin e procedimeve penale të regjistruara lidhur me krimet zgjedhore dhe nëçfarë faze ndodhen hetimet lidhur me to dhe në çfarë faze ndodhen hetimet lidhur me publikimin e të dhënave personale të 910 mijëqytetarëve të Tiranës.

2. Olsian Çela, Prokuror i Përgjithshme

PD kërkon informacion të plotë dhe të detajuar Prokurorit të Përgjithshëm OlsianÇela, në lidhje me numrin e kallëzimeve penale të depozituar pranë prokurorive të rretheve gjyqësore lidhur me krimet zgjedhore. Numrin e procedimeve penale të regjistruara lidhur me krimet zgjedhore dhe nëçfarë faze ndodhen hetimet lidhur me to.

3. Gledis Nano, Drejtor i Përgjithshëm i Policisë

PD kërkon informacion të plotë dhe të detajuarDrejtorit të Përgjithshëm i Policisë së Shtetit, GledisNano, për numrin e shtetasve të ndaluar, arrestuar dhe që janë referuar pranë organit tëakuzës për krime zgjedhore, në rang kombëtar dhe për secilin qark. Numrin e shtetasve shqiptarë që kanë hyrë në territorin e Republikës së Shqipërisënga Republika e Greqisë dhe e Maqedonisë së Veriut në periudhën 19.04.2021 -25.04.2021 si dhe vendosja në dispozicion e listëssëplotë e këtyre personave.

4. Sokol Zaimi, Drejtor i Përgjithshëm i Rezervave Materiale të Shtetit

PD kërkon informacion të plotë dhe të detajuarDrejtor i Përgjithshëm i Rezervave Materiale të Shtetit, Sokol Zaimi,  përgjendjen e rezervave të shtetit në depozitat qëndrore dhe lokalepër cdo muaj në përiudhën 01.01.2020 – 30.04.2021.

5. 10 Inspektoriateve

PD kërkon informacion të plotë dhe të detajuar 10 inspektoriateve në lidhje me  numrin e të punësuarve pranë këtij institucioni dhe pranë institucionevevendore (inspektorateve/drejtorive vendore) përgjatë periudhës 01.01.2020 – 30.04.2021. Në lidhje me rritjen e rrogës, apo shpërblime për secilën kategori punëmarrësish dhe sa punonjës kanë përfituar nga kjo rritje? Nëse ka patur shtesa apo shpërblime ndaj punonjësve të institucionit tuaj, masat administrative të marra ndaj subjekteve të inspektimit, numrin e inspektimeve të kryera dhe masave të marra në secilin qark përgjatë periudhës 01.01.2020 – 30.04.2021

6. Reida Kashta, Drejtore e Përgjithshme e Agjensisë Prokurimeve Publike

PD kërkon informacion të plotë dhe të detajuarDrejtores së Përgjithshme të Agjencisë së Prokurimeve Publike, Reida Kashta, në lidhje me numrin e tenderave, koncesioneve, PPP-ve të shpallura apo për të cilat fituesiështë shpallur në periudhën 01.01.2020 – 30.04.2021, të ndarë sipas muajve. Vlerën totale e fondit limit për procedurat e mësipërme për secilin muaj gjatëperiudhës 01.01.2020 – 30.04.2021. Vlerën totale të ofertave të shpallura fituese për secilin muaj gjatë periudhës 01.01.2020 – 30.04.2021.

7. Edi Rama, Kryetar i Këshillit Kombëtar të Territorit

PD kërkon informacion të plotë dhe të detajuarKryetarit të Këshillit Kombëtar të Territorit, Edi Rama, në lidhje me numrin e lejeve të ndërtimit që janë dhënë për periudhën 01.01.2020 –30.04.2021, të ndara sipas secilit muaj të kësaj periudhe dhe për secilën njësi vendore. Numrin e hapësirës në metër katrorë që këto leje zënë, sipas bashkive në të cilatjanë dhënë lejet, për periudhën 01.01.2020 – 30.04.2021.

8. Artan Lame, Drejtor i Përgjithshëm i Agjensisë Shtetërore e Kadastrës

PD i kërkon informacion të plotë dhe të detajuar Drejtorit të Përgjithshëm të Kadastrës Artan Lame në lidhje me numrin e lejeve të legalizimit të dhënë përgjatë periudhës 01.01.2020 –30.04.2021, të ndara sipas secilit muaj të kësaj periudhe. Numrin e certifikatave të pronësisë të dhëna përgjatë periudhës 01.01.2020 –30.04.2021, të ndara sipas secilit muaj të kësaj periudhe.

9. 61 Bashkive

PD i kërkon informacion të plotë dhe të detajuar kryetarëve të 61 bashkive ku i drejtohen 9 pyetje në lidhje me numrin e të punësuarve pranë Bashkisë, institucioneve të saj të varësisë, përfshi

edhe shoqëritë në pronësi të saj, rritjen e fondeve të pagave, rritjen e numrit të punonjësve, rritjen e shtesave dhe shpërblimeve, numrin e përfituesve të ndihmës ekonomike dhe numrin e lejeve të ndërtimit si edhe hapësirat në metër katrorë të dhëna nga bashkia për periudhën 01.01.2020 – 30.04.2021.

10. Arben Ahmetaj, Ministri i Shtetit për Rindërtimin

PD i kërkon informacion të plotë dhe të detajuar Ministrit të Shtetit për Rindërtim, Arben Ahmetaj, në lidhje me numrin e banesave të ndërtuara/rindërtuara, për të cilat është bërë dorëzimi i banesave gjatë periudhës 01.01.2020 – 30.04.2021, të ndara sipas secilit muaj të kësaj periudhe dhe në secilën Bashki. Numrin e familjeve që janë prekur nga tërmeti dhe që kanë përfituar dëmshpërblimgjatë periudhës 01.01.2020 – 30.04.2021, të ndara sipas secilit muaj të kësaj periudhe dhenë secilën Bashki? Sa është masa e shpërblimit për këto familje.

11. Bledar Doracaj, Drejtor i Përgjithshëm i Gjendjes Civile

PD i kërkon informacion të plotë dhe të detajuar Drejtorit të Përgjithshëm të Gjendjes Civile Bledar Doracaj, në lidhje me numrin e shtetasve shqiptarë që kanë ndryshuar adresën e banimit në periudhën 01.01.2020 – 30.04.2021. Kompanitë e nënkontraktura në pesë vitet e fundit për mirëmbajtjen e bazës së të dhënave të gjendjes civile, emrat e kompanive dhe të dhënat kryesore të marrëdhënieve kontraktore qëkanë ekzistuar këto kompani. PD kërkon të dhëna nëse janëvërejtur incidente me bazën e të dhënave qëadministrohet nga Drejtoria e Përgjithshme e Gjendjes Civilenë rrjedhje të të dhënave,hyrje të paautorizuara apo cënime të tjera të parametrave të sigurisë dhe nëse Drejtoria e Përgjithshme e Gjendjes Civilezyrtarisht ose informalisht i ka vënë nëdispozicion të dhëna personale Partisë Socialiste apo personave të lidhur me të.

12. Albana Koçiu, Drejtore e Departamentit Administratës Publike

PD i kërkon informacion të plotë dhe të detajuar Drejtores së Përgjithshme të Departamentit të Administratës Publike Albana Koçiu në lidhje me numrin e punonjësve në administratën publike, qendrore dhe vendore për periudhën 01.01.2020 – 30.04.2021, të ndarë për secilin muaj të kësaj periudhe. Përadministratën publike vendore, sa është numri i punonjësve në secilin qark dhe secilën bashki?

13. Kompanive Publike, OSHEE, KESH, OST, Postës Shqiptare

PD i kërkon informacion të plotë dhe të detajuar Operatorit të Shpërndarjes së Energjisë Elektrike (OSHEE), Korporatës Elektronergjitike Shqiptare (KESH), Operatorit të Sistemit Të Transmetimit (OST), Postës Shqiptare, në lidhje me numrin e punonjësve si edhe të rinj të punësuar, rritjen e pagave, shërblimet dhe shtesat mbi pagat dhe me cfarë akti është miratuar shpërblimi apo shtesa mbi pagë, për periudhën 01.01.2020 – 30.04.2021.

14. Ogerta Manastirliu, Ministre e Shëndetësisë dhe Mbrojtjes Sociale

PD i kërkon informacion të plotë dhe të detajuar Ministres së Shëndetësisë dhe Mbrojtjes Sociale OgertaManastirliu, në lidhje me numrin e personave apo familjeve që kanë përfituar ndihmë ekonomike, familjeve që kanë hyrë në skemën e ndihmës ekonomike për here të parë, rritjen e masës së përfitimit të ndihmës ekonomike për familjet përfituese përgjatë periudhës 01.01.2020 – 30.04.2021.

15. Bashkitë – Tërmeti

PD i kërkon informacion të plotë dhe të detajuar 11 bashkive, Durrës, Shijak, Krujë, Lezhë,  Mirditë, Kurbin, Tiranë, Kamëz, Vorë, Kavajë, Rrogozhinë, mbi numrin e banesave të ndërtuara dhe të rindërtuara, numrin e familjeve që janë prekur nga tërmeti dhe që kanë përfituar dëmshpërblim gjatë periudhës 01.01.2020 – 30.04.2021 dhe sa  është masa e shpërblimit për këto familje.

16. Mirlinda Karcanaj, Agjensia Kombëtare e Shërbimit të Informacionit

PD i kërkon informacion të plotë dhe të detajuar Mirlinda Karcanaj, nga Agjencia Kombëtare e Shërbimit të Informacionit, ku i drejtohen tre pyetje në lidhje me kompanitë e nënkontraktura në pesë vitet e fundit për mirëmbajtjen e bazës së të dhënave të gjendjes civile. Emrat e kompanive të shoqërohen edhe me të dhënat kryesore të marrëdhënieve kontraktore që kanë ekzistuar këto kompani. Nëse janë vërejtur incidente me bazën e të dhënave që administrohet nga Agjensia Kombëtare e Shërbimit të Informacionit, nëhyrje të paautorizuara apo cënime të tjera të parametrave të sigurisë, nëse ka pasur ndonjë/disa raste kur institucioni juaj zyrtarisht ose informalisht i ka vënë nëdispozicion të dhëna personale Partisë Socialiste apo personave të lidhur me të, nga atoqë administrohen nga ky institucion.

17. Besnik Dervishi, Komisioneri për Mbrojtjen e të dhënave personale

PD i kërkon Komisionerit për Mbrojtjen e të Dhënave Personale, Besnik Dervishi, vënien nëdispozicion të praktikës së plotë të ndjekur për rastin e publikimit të të dhënave personale të 910 mijë qytetarëve të Tiranës.

18. Bledar Çuçi, Ministri i Brendshëm

PD i kërkon Ministrit të Brendshëm Bledar Çuçi, informaciontë plotë dhe të detajuar lidhur me  numrin e shqiptarëve me të drejtë vote që jetojnëjashtë Shqipërisë, veçanërisht atyre që jetojnë në Greqi dhe Maqedoninë e Veriut.

19. Njëmbëdhjetë Ministrive

PD i kërkon 11 ministrive informacion të plotë dhe të detajuar mbi numrin e punonjësve të Ministrisë si edhe ata të rinj, nëinstitucionet e saj të varësisë, përfshi edhe shoqëritë ku Ministria ka pronësinë, për periudhën 01.01.2020 – 30.04.2021.

20. Frida Krifca, Ministre e Bujqësisë dhe Zhvillimit Rural

PD i kërkonMinistres së Bujqësisë dhe Zhvilimit Rural, Frida KRIFCA, vënien në dispozicion të një informacioni të detajuar mbi numrin, vlerën e rimbursimeve, tollonave të karburanteve të dhëna fermerëve për periudhën 01.01.2020 – 30.04.2021.

21. Helidon Bendo, Drejtor i Përgjithshëm i Shërbimit Informativ Shtetëror

PD i kërkon Drejtorit të Përgjithshëm i Shërbimit Informativ të Shtetit, Helidon BENDO, informacioni të detajuar në lidhje me 4 pyetje të cilat kanë të bëjnë me veprimtarinë dhe nëse janë konstatuar persona të dyshuar si të përfshirë në krime zgjedhore. Nëse ky institucion ka përcjellëpranë organeve ligjzbatuese informacione lidhur medyshime të arsyeshme për persona të përfshirë në krime zgjedhore dhe numrin total të informacioneve të përcjella për këtë çështje. SHISH i shtrohet gjithashtu pyetja nëse gjatë veprimtarisë së saj ndaj elementëve të krimit të organizuar, a janë konstatuar raste tëpërfshirjes së tyre në krime zgjedhore apo në fushatë zgjedhore? A janë informuar organet ligjzbatuese lidhur me këto raste? Sa është numri i tyre?  Sa është numri total i informacioneve të trajtuara dhe përpunuara nga institucioni juaj, qëpërfshinë dyshime për angazhim në krime zgjedhore, e ndarë sipas secilit qark?