Komisioni Hetimor/ Taulanti s’ecën vetëm, nuk lejon hetimin e fluturimit të “Ismailit”
Kryetari i Grupit Parlamentar të Partisë Socialiste, Taulant Balla, rrëzoi sot në Konferencën e Kryetarëve kërkesën e deputetëve të opozitës për ngritjen e një Komisioni Hetimor Parlamentar për shpenzimet e udhëtimeve të Kryeministrit Edi Rama me avion charter.
Taulanti sot nuk eci vetëm, kërkesat e opozitës tha se janë të pakufijshme dhe pikërisht sot e bëri publik planin e mazhorancës për ndryshime urgjente në Ligjin për Komisionet Hetimore Parlamentare kur për sot ishte i qartë vendimi i Gjykatës Kushtetuese.
“Kërkesat e opozitës janë të pakufijshme në të drejtën e tyre për të propozuar, por kjo nuk do të thotë që edhe ne nuk kemi të drejtë t’i shqyrtojmë. Pati dakordësi që Kuvendi të adresojë në mënyrë urgjente dhe të menjëhershme vendimet e Gjykatës Kushtetuese, që kanë lidhje me ligjin për organizimin e komisioneve hetimore,” tha Taulant Balla duk eu bërë sikur nuk po kupton se çfarë po flet dhe çfarë thotë vendimi i Gjykatës Kushtetuese.
Broçkullat e Taulantit u mundua ti qartësoi deputetja e PD, Jorida Tabaku, duke e cilësuar vendimin e Ballës, pra të Konferencës së Kryetarëve si mohim të hetimit parlamentar nga deputetët.
“Vendimi i Gjykatës Kushtetuese i jep të drejtë opozitës që të ngrejë një komision dhe gjendet dakordësia vetëm për objektin e punës së komisionit hetimor,” tha Jorida Tabaku duke rikujtuar se PD kishte depozituar propozimet për ndryshimet e këtij Ligji kohë parë.
Hetimi i fluturimit të “Ismailit”
Pas publikimit të të dhënave për 137 udhëtime me çarter të kryeministrit Edi Rama, një grup prej 35 deputetëve të Partisë Demokratike kishte kërkuar ngritjen e Komisionit Hetimor për verifikimin e ligjshmërisë së shpenzimeve të udhëtimeve jashtë shtetit të Kryeministrit nga data 10 shtator 2013 deri në 31 tetor 2022.
Në mungesë të transparencës, deputetët e PD kanë dyshime për keqpërdorim të parave publike, faturat dhe aktet zyrtare për përdorimin e avionit “Ismaili” të kompanisë ajrore Air Albania për udhëtimet e Kryeministrit edi Rama.
Kryetari i Gjykatës Kushtetuese, Bashkim Dedja, duke folur për debatin rreth objektit të komisioneve hetimore, tha se objekti mund të ankimohet vetëm në Gjykatën Kushtetuese, ndërsa ngritja e tyre nga Parlamenti është e detyrueshme. “Neni 77, paragrafi 2 i Kushtetutës, por dhe neni 25 i Rregullores së Parlamentit, besoj se komisioni ngrihet automatikisht pas depozitimit të kërkesës së një të katërtës së deputetëve. Këto janë dispozita detyruese.
Ndryshe, ndonëse kemi një vendim të Gjykatëse Kushtetuese për Komisionet Hetimore Parlamentare, një tryezë e konstitucionalistëve dhe juristëve organizuar nga Institutit për Studime Gjyqësore dhe Kushtetuese në nëntorin e vitit 2011, ku merrnin pjesë dhe kreu i BE dhe EURALIUS, doli me konkluzionin se Komisionet janë përdorur dhe përdoren nga politika ndërsa Kryetari i Gjykatës Kushtetuese, Bashkim Dedja, sqaroi me këtë rast se objekti mund të ankimohet vetëm në Gjykatën Kushtetuese, ndërsa ngritja e tyre nga Parlamenti është e detyrueshme.
“Neni 77, paragrafi 2 i Kushtetutës, por dhe neni 25 i Rregullores së Parlamentit, thekson se komisioni ngrihet automatikisht pas depozitimit të kërkesës së një të katërtës së deputetëve. Këto janë dispozita detyruese. Në praktikën tonë, në rastet kur nuk është ngritur komisioni hetimor, bashkohem me parashtrimin se nuk duhet diskutuar ngritja e tij. Objektin e hetimit të komisionit hetimor mund ta gjykojë vetëm Gjykata Kushtetuese. Ka vend në ligj që të saktësohet hapësira e hetimit të komisionit hetimor,” tha Bashkim Dedja 11 vjet më parë por kjo hapësirë e hetimit nuk u saktësua për të vazhduar të përdoret nga politika!
