Komisioni i Medias seancë dëgjimore me artistët për Teatrin/ Ndrenika: Këtu nis lufta…

Mbledhja e sotme e Komisionit të Kulturës ka pritur artistët e Teatrit Kombëtar, emrat më të spikatur të skenës shqiptare, ndërkohë që ministrja e Kulturës, Mirela Kumbaro, ka refuzuar të marrë pjesë dhe të japë shpjegime per projektligjin, i cili i hap rrugë shembjes së Tetarit dhe nisjes së një tjetër projekti.

Në takim marrin pjesë aktoret e nderuar Robert Ndrenika, Alfred Trebicka, Alert Celoaliaj, Taulanda Jupi, Robert Budina.

“Kryeministri Edi Rama refuzon të na takojë, por edhe ne refuzojmë të heqim dorë nga e drejta jonë. Ndaj ne kemi hartuar një letër publike të konceptuar nga Aleanca për Mbrojtjen e Teatrit, drejtuar Presidentit të Republikës, Kryetarit të Kuvendit, krerëve të subjekteve politike.

Ne gjykojmë se jemi të tradhtuar nga Ministria e Kulturës. Projektligji na prezantohet në formën e një kontrate të mbyllur dhe me fitues të shpallur…”, thuhet në një deklaratë të kësaj Aleance.
Ndërkohë, aktori i madh i skenës shqiptare, Robert Ndrenika, tha se PPP me tokën e teatrit është vjedhje.
“Faleminderit që na thirrët dhe po na dëgjoni.

Personalisht doja që të ishin edhe deputetët e PS. Që bojkoti i tyre tregon se këtu duhet të fillojë lufta, jo me Korenë e Veriut, por duhet të fillojë lufta.

Që në fillim unë erdha që tu flisja, të hyja në debat me ta, por nuk kam çfarë të them.
PPP-ja me tokën e Teatrit Kombëtar është shqeto vjedhje, grabitje.

Jo vetëm unë, por ta organizojmë të tërë. Kjo histori ka 20 vjet që ka filluar që donin të ja jepnin privatit, pa pyetur askënd.

Me keq ardhje, por këtu fillon lufta.

Nuk na dëgjon njeri, nuk na përfill njeri. Jo vetëm neve si komunitet artistik, por edhe juve.
Ka 20 vjet që vazhdon kjo tentativë grabitje. Ajo është tokë e teatrit dhe aty kanë lënë kockat njerëzit e të vijë një fusha, mali a kodra.

Këtu më vete mendja se kryeministri do të vjedhë, ministresh do të vjedhë, të gjithë duan të vjedhin”, tha Ndrenika.