Komisioni i Rithemelimit PD: Kryesia e re zgjedhet nga Këshilli Kombëtar i zgjedhur më 30 Prill, Kryetari i ri zgjedhet më…

Me përfundimin e mbledhjes së Komisionit Rithemelimit të Partisë Demokratike, lideri historik i PD, Sali Berisha duke bërë të ditur konkluzionet tha se u diskutua gjerësisht për përbërjen e Këshillit Kombëtar, e cila do të bëhet publike sapo të finalizohet lista.

“U vlerësua shumë përfundimi i procesit të zgjedhjeve në parti përveçse në dy degë për arsye teknike, i cili ishte një proces në tërësi shumë i mirë, me pjesëmarrje rreth 40 mijë anëtarë të PD. Komisioni do të jetë para jush nesër për t’ju informuar për të gjithë procesin dhe do t’i përgjigjet të gjitha pyetjeve. U ra dakord gjithashtu që t’i propozohet Kuvendit data e zgjedhjes së kryetarit,” tha Sali Berisha duke shtuar:

“Data që do t’i propozohet Kuvendit do të jetë data 21 ose 22 maj, në varësi nga e shtuna apo e diela, e majit. Cilido kandidat do të depozitojë pranë Komisionit të Operacioneve Zgjedhore i cili ka funksionuar në mënyrë të shkëlqyer dhe do të përcaktohen pastaj rregullat po nga Komisioni.”

Në fund, lideri historik i Partisë Demokratike, Sali Berisha, bëri të ditur se më 30 Dhjetor në listën për Këshillin Kombëtar do të jenë dhe të larguariti dhe të përjashtuarit si Arben Imami dhe Jozefina Topalli e cila kthehet ex officio ndërsa ftesë për Kuvend i është bërë edhe Majlinda Bregut, Astrit Patozit dhe Rudina Hajdarit