Komisioni i Sigurisë, raportimi i kreut të SHISH të Ramës shkakton tensione dhe ndërprerje

Prania e drejtores së Shërbimit Informativ të Shtetit, Vlora Hyseni, në seancën dëgjimore për Raportin vjetor për veprimtarinë vjetore 2022 të SHISH në Komisionin e Sigurisë ka shkaktuar debate para se të nisë seanca, dhe e cila u mbull me urdhër të kreut të këtij Komisioni, Nasip Naço, duke kërkuar çertifikata të sigurisë për anëtarët e Komisionit si dhe largimin e mediave pasi deputetët demokratë kishin kërkuar të diskutohet situata në veri të Kosovës.

Xhaferaj kërkon fjalën

Naço: Nuk kam mbaruar.

Xhaferaj: Ka mbaruar kryetari.

Naço: Jeni në depresion, çështje depresioni.

Xhaferaj: Na mbytën sakndalet, me korrupsion, me skandale seksuale. Na mbyti depresioni.

Naço: S’kemi ça t’i bëjmë.

Salianji: Kam një kërkesë procedurale. Nuk je pronar këtu. Kërkesa për procedurë jepet në mënyrë të menjëhershme. Ka një kërkesë dhe interes të shtuar publik. Nuk jeni pronar të kësaj. Merrini drejtuesit e institucioneve mbajini në xhep.

Naço: Si ta jap fjalën, nuk kam mbaruar. Nuk kam mbaruar.

Noka: Ne kemi çështje për të diskutuar. “Lule mos më prek”, këtu nuk ka.

Naço: Ju shyqyr që janë mediat dhe doni të bëni zhurmë. Mos doni që të mbyllim seancën?

Salianj: Po mirë nëse doni ta mbyllni, mbylleni.

Naço: Dilni nga depresioni ku jeni. Ndërpres mbledhjen. 5 minuta pushim.

Ndonëse u rikthye, Nasip Naço pyeti drejtoren e SHISH nëse do ta zhvillojë seancën me dyer të mbyllura apo të hapura, ndërkohë që nuk u lejuan të flasin deputetët e PD që kërkuan leje për të folur për procedurë.

Salianji: Do shpjegoj votën kundër për seancën e mbyllur apo të hapur. Nuk e bëni dot siç doni ju.

Naço: Seanca do vijojë me dyer të mbyllura.

Salianji: Më jep fjalën. S’e bëni dot siç doni ju. Nuk e bëni dot siç ju do qejfi!

Naço: Ti kujton se më lëviz ndonjë qerpik.

Salianji: S’ke për të bërë mbledhje pastaj. Shko bëje në një sallë tjetër.

Naço: 5 minuta pushim. Seanca do vijojë me ata që kanë certifikatë sigurie.