Komisioni i Venecias, Misioni: E kemi një ide për shkeljen e Presidentit. Raporti, më 11 tetor!

Delegacion i Komisionit të Venecias, në misionin fakt mbledhës për shkeljet e pretenduara të Presidentit të Republikës, Ilir Meta, në vendimin për të anuluar 30 qershorin si datë për zgjedhjet lokale, sot përmbylli misionin me takimin që zhvilloi me Komisionin Hetimor Parlamentar i cili është ngritur për shkarkimin e Presidentit Ilir Meta.

Në fund të këtij takimi zgjati për më shumë se 60 minuta, kreu i delegacionit, akademiku finlandez Kaarlo Tuori tha se ata e kishin krijuar një ide nëse Presidenti e ka shkelur Kushtetutën dhe Raporti përfundimtar do të dalë më 11 tetor.

“E kemi një ide të qartë, nëse e ka shkelur Presidenti Kushtetutën. Të gjitha takimet kanë qenë produktive, pasi morëm një informacion për të krijuar opinionin që do të dalë në 11 tetor”, tha Kryesuesi i Delegacionit të Komisionit të Venecias, në misionin fakt mbledhës për shkeljet e pretenduara të Presidentit të Republikës, Ilir Meta, akademiku finlandez në fushën e jurisprudencës, Kaarlo Tuori.

Delegacioni i Komisionit të Venecias kryesohet nga akademiku finlandez në fushën e jurisprudencës, Kaarlo Tuori. Anëtarë janë, avokatja e të drejtave të njeriut dhe juriste ndërkombëtare, Grainne Mcmarrow, kreu i divizionit për Çështjet Kushtetuese, Schnutz Rudolf DÜRR, si dhe Sekretari i Komisonit, Thomas Markert.